Masalimo 52:1-9
Kwa jwakulongolela nyimbo. Masikili.* Nyimbo ja Daudi jaŵapechile pandaŵi jele Doegi jwa ku Edomu ŵapite kwa Sauli ni kumsalila yakuti Daudi apite kwa Ahimeleki.
52 Mmwe mundu jwamachili, uli mkupochela yitendo yenu yakusakala yamkusatenda?
Chinonyelo chakulupichika cha Mlungu chichitama mpaka kalakala.
2 Lulumi lwenu luli lwakutema mpela lesala.Lukusalinganya yakuwulasya soni lukusaŵecheta yachinyengo.
3 Mkusanonyela mnope yakusakala kupunda yindu yambone.Mkusanonyela mnope kuŵecheta yaunami kupunda kuŵecheta yisyesyene. (Selah)
4 Mkusanonyela kuŵecheta yindu yiliyose yakwapweteka ŵane,Mmwe mundu jwa lulumi lwakuŵecheta yachinyengo.
5 Ni ligongo lyakwe Mlungu chachimjonaga mmwejo mwamti ngasimwonekasoni mpaka kalakala.Jwalakwe chachimtyosya mmwejo ni kumwutila kusa kwa tenti jenu.Jwalakwe chachimchuŵa mmwejo m’chilambo cha ŵandu ŵaumi. (Selah)
6 Ŵandu ŵakulungama chachiyiwona yeleyi soni chachisimonga mnope,Soni jemanjajo chachimseka mmwejo.
7 Chachiŵechetaga kuti, “Alole! Mundu aju nganamjigala Mlungu mpela malo gakwe gakutilila,*Nambo ŵadalile chipanje chakwe chejinjiSoni ŵaganisyaga kuti yachiwembu yakusalinganya* mpaka yimkamuchisye.”
8 Nambo une chinjiŵa mpela chitela cha maolifi chewutalile chenene m’nyumba ja Mlungu.Ngukulupilila kuti Mlungu chachilosya une chinonyelo chakwe chakulupichika mpaka kalakala.
9 Wawo Mlungu, une chinjachimbichisya wawojo mpaka kalakala ligongo lyakuti atesilepo kandu nganagamba kuyilechelela yindu.Pandili pameso pa ŵandu ŵakulupichika,Chinjilosya kuti ngusalikulupilila lina lyawo, pakuŵa lili lyambone.
Maloŵe Gamwiŵanda
^ Alole Kugopolela kwa Maloŵe Gane.
^ Kapena kuti, “malo gakwe gakulimbangana.”
^ Mu Chihebeli ŵatiga, “yakusawusya yakusiŵagwichisya ŵane.”
