Masalimo 48:1-14
Nyimbo ja ŵanache ŵa Kola.
48 Yehofa ali jwamkulungwa soni jwakwenela kumchimbichisyaMu msinda wa Mlungu jwetu, mu litumbi lyakwe lyeswela.
2 Litumbi lya Siyoni lyalili kutali mbali jakumpotoLili lyelewu soni lyakusalala mwamti likusayikasya chisangalalo pachilambo chosope.Litumbi lyeleli lili msinda wa Mwenye Jwamkulungwa.
3 Kupitila mu sanja syakulimbangana sya msindawu,Mlungu alosisye kuti jwalakwe ali malo gambone gakuuŵa.
4 Alole. Mamwenye gasongangene.*Gajigalene ni kwika kuti galimbane ni msindawo.
5 Jemanjajo paŵawuweni msindawo, ŵasimonjile mnope.
Wakamwile woga soni ŵatisile ali mkutetemela.
6 Kweleko jemanjajo ŵaliji mkutetemela.Ŵapikanaga kupweteka mpela jwamkongwe pakuŵeleka.
7 Wawo Mlungu, wawojo akusakasanya masitima ga ku Talisi ni mbungo jakutyochela kungopokolyuŵa.
8 Yindu yatwayipikene, sambano tuyiweni ni meso getuMumsinda wa Yehofa jwa magulu ga ngondo, mumsinda wa Mlungu jwetu.
Mlungu chachiwuchenjela msindawo mpaka kalakala. (Selah)
9 Wawo Mlungu, tukusaganichisya yakwamba chinonyelo chawo chakulupichika,Patuli m’nyumba jawo.
10 Wawo Mlungu, mpela mwalitite pakupikanika lina lyawo,Nombe uchimbichimbi wawo uyiche mpaka kumbesi kwa chilambo chapasi.
Mkono wawo wamlyo ugumbele ni chilungamo chawo.
11 Ligongo lyakuti wawojo akusawelusya mwachilungamo, Litumbi lya Siyoni lisangalale,Nombenago matawuni ga ku Yuda* gasangalale.
12 Mjende kusyungulila Siyoni josope mli mkuguba.Msiŵalanje sanja syakwe.
13 Mitima jenu jiganichisye mnope ya lutenje lwakwe lwakulimbangana.
Mjendele sanja syakwe syakulimbangana,Kuti chimjisalile mibado* jakwika msogolo
14 Pakuŵa Mlungu jwatesile yindu yeleyi, ali Mlungu jwetu mpaka kalakala.
Jwalakwejo chachitulongolela m’weji mpaka kalakala.*
Maloŵe Gamwiŵanda
^ Kapena kuti, “gapangene ni kusimana pampepe.”
^ Mu Chihebeli ŵatiga, “ŵanache ŵachakongwe ŵa Yuda.”
^ Ŵane akusati “mipago.”
^ Kagopolele kanesoni, “mpaka patuchiwa.”
