Masalimo 47:1-9
Kwa jwakulongolela nyimbo. Nyimbo ja ŵanache ŵa Kola.
47 Jemanja ŵandu, mkwatile mmyala.
Mumjimbile Mlungu mwakugumila soni mwakusangalala ligongo lyakuti jwalakwejo awinile.
2 Pakuŵa Yehofa Mlungu Jwakwinani Mnope ali jwakutesya woga.Jwalakwe ali Mwenye jwamkulungwa pachilambo chosope chapasi.
3 Jwalakwe akusiŵagomeka ŵandu ni kwaŵika pasi pa ulamusi wetu.Jwalakwe akusajiŵika mitundu ja ŵandu pasi pa sajo* syetu.
4 Jwalakwe ŵasagwile malo ni kutupa mpela chipanje chetu,Chipanje chakusasangalala nacho Yakobo, mundu jwele Mlungujo akusamnonyela. (Selah)
5 Mlungu apite kumalo gakwe ŵandu ali mkwimba mwagumila soni mwakusangalala.Yehofa apite ŵandu ali mkwimba malipenga ga misengo.*
6 Mumjimbile Mlungu nyimbo syakumchimbichisya,* mumjimbile nyimbo syakumchimbichisya.
Mumjimbile Mwenye jwetu nyimbo syakumchimbichisya, mumjimbile nyimbo syakumchimbichisya.
7 Pakuŵa Mlungu ali Mwenye jwa chilambo chosope chapasi,Mumjimbile nyimbo syakumchimbichisya, soni mtende yindu mwalunda.
8 Mlungu aŵele Mwenye jwakulamulila mitundu ja ŵandu.
Mlungu atemi pa mpando wakwe waumwenye wapadela.
9 Ŵakulongolela ŵamitundu ja ŵandu asongene pampepe,Asongene pampepe ni ŵandu ŵa Mlungu jwa Abulahamu.
Pakuŵa ŵakulamulila ŵa* chilambo chapasi ali mmyala mwa Mlungu.
Jwalakwe ali jwapenani mnope.
Maloŵe Gamwiŵanda
^ Ŵane akusati “makawu.”
^ Kapena kuti, “misengo ja ngondolo.”
^ Kapena kuti, “Mumjimbile Mlungu nyimbo ni yida yakwimbila.”
^ Mu Chihebeli ŵatiga, “Pakuŵa yakuchijila ya.”
