Salimo 46:1-11
Kwa jwakulongolela nyimbo. Nyimbo ja ŵanache ŵa Kola+ jakupikanika mwa Alamoti.*
46 Mlungu ali malo getu gakutilila soni machili getu.+Kwa jwalakwe ni kwampaka tupate chikamuchisyo mwangasawusya mundaŵi ja yipwetesi.+
2 Ni ligongo lyakwe ngasitutenda woga, atamose chilambo chapasi chili chichenjile,Atamose matumbi gali gagwilile m’nyasa+ ni kwika mpaka pasi,
3 Atamose mesi ga m’nyasamo gali gatesile mkokomo ni kutenda chiwulo,+Atamosesoni matumbi gatenganyiche ligongo lya kujilima mnope kwa mesi ga m’nyasago. (Selah)
4 Pana lusulo lwalugaŵikangene ni kupanganya sulo syamwanamwana syasikusatendekasya msinda wa Mlungu kusangalala.+Sikusatendekasya kuti malo geswela gasangalale, chachili chitenti chekulungwa cha Mlungu Jwakwinani Mnope.
5 Mlungu akutama mumsindawu,+ mwamti ŵandu nganaŵa awusumwile msindawu.
Mlungu chachiyika kumasikusiku+ kuti awukamuchisye msindawu.
6 Mitundu ja ŵandu jatendaga masegwe. Maulamusi gagomechedwe.Mlungu ŵaŵechete soni chilambo chasungunukwiche.+
7 Yehofa jwa magulu ga ngondo ali ni m’weji.+Mlungu jwa Yakobo ali malo getu gambone gakuuŵa. (Selah)
8 Ayiche alole yakutenda Yehofa.Jwalakwe akutenda yindu yakusimonjesya pachilambo chapasi.
9 Jwalakwe akumasya ngondo pachilambo chosope chapasi.+
Akutemanya mawukunje soni akuposokolanya mapanga.Jwalakwe akocha moto magaleta* ga ngondo.*
10 Jwalakwe akuŵecheta kuti, “Mgambe kwitichisya kuti mlepele soni mmanyilile kuti une ndili Mlungu.
Chinjichimbichikwa pasikati pa mitundu ja ŵandu.+Chinjichimbichikwa pachilambo chosope chapasi.”+
11 Yehofa jwa magulu ga ngondo ali ni m’weji.+Mlungu jwa Yakobo ali malo getu gambone gakuuŵa.+ (Selah)
Maloŵe Gamwiŵanda
^ Alole mbali jakuti, Kugopolela kwa Maloŵe.
^ Alole mbali jakuti, Kugopolela kwa Maloŵe.
^ Kagopolele kanesoni, “yakuchijila.”
