Masalimo 40:1-17
Kwa jwakulongolela nyimbo. Nyimbo ja Daudi.
40 Najembecheyaga pa Yehofa ni mtima wangu wosope.*Jwalakwe ŵatejele liwiwi lyakwe pa une* mwamti ŵapikene kulila kwangu kwakuŵenda kuti angamuchisye.
2 Jwalakwe ŵanjuwile une mwisimbo lyakupikanika mkokomo wa mesi,Ŵanjuwile m’matope.
Kaneko ŵanjigele ni kumbika palwala.Jwalakwe ŵanjimiche pamalo gakulimba.
3 Kaneko ŵambele nyimbo jasambano jakuti njimbe,Nyimbo jakumchimbichisya Mlungu jwetu.
Ŵandu ŵajinji chachisimonga pachachilola yeleyiSoni chachitanda kumdalila Yehofa.
4 Jwakusangalala ali mundu jwakusamdalila Yehofa,Mundu jwele jwangagalawuchila kwa ŵakusisya kapena kwa ŵandu ŵaunami.
5 Wawo Yehofa Mlungu jwangu,Wawojotu atesile yindu yejinji.Masengo gawo gali gakusimonjesya, soni ndaŵi syosope wawojo akusaganichisya yindu yakutukamuchisya m’wejo.
Pangali jwalijose jwampaka alandane ni wawojo.Naga ndili ndite nayilondesye yindu yakusimonjesya yatesile wawojo soni kwasalila ŵane,Nganimba ngombwele kuyilondesya yosope ligongo yipali yejinji mnope.
6 Wawojo nganasaka* mbopesi soni yakupeleka,Nambo ŵawugwile mawiwi gangu kuti mbikanileje yakuŵecheta yawo.
Wawojo nganasaka mbopesi syakutinisya soni mbopesi syaulemwa.
7 Kaneko une naŵechete kuti, “Alole. Une nyiche.
M’buku ŵalembile yakwamba une.
8 Wawo Mlungu jwangu, une ngusasangalala* kutenda yakusasaka wawojo,Soni malamusi gawo gali mumtima mwangu.
9 Ngusalalichila ngani syambone syakwamba chilungamo chawo pasikati pa mpingo wekulungwa.
Alole. Une nganimbugala pakamwa pangu.Wawo Yehofa, wawojo akumanyilila chenene yeleyi.
10 Une jwangawugalila chilungamo chawo mumtima mwangu.
Ngusalalichila yakwamba kukulupichika kwawo soni yakusatenda wawojo pakwakulupusya ŵandu.
Une jwangasisa chinonyelo chawo chakulupichika soni yisyesyene yakwamba wawojo pasikati pa mpingo wekulungwa.”
11 Wawo Yehofa, akaleka kulosya une chanasa chawo.
Chinonyelo chawo chakulupichika soni yisyesyene yakwamba wawojo yinjenjeleje une ndaŵi syosope.
12 Yakusawusya yangusimana nayo yili yangaŵalanjika.
Yakulemwa yangu yitupile mnope mwamti yikundendekasya kuti ngaliwona litala lyangu.Yili yejinji mnope kupunda wumbo sya mumtwe mwangu,Mwamti njasile mtima.
13 Wawo Yehofa, chonde aŵe ŵakusachilila kungulupusya.
Ayiche mwachitema kuti angamuchisye, wawo Yehofa.
14 Ŵandu wosope ŵakusosasosa umi wanguŴatesye sooni soni ŵatyochesye uchimbichmbi wawo.
Ŵandu ŵakusasangalala pangusimana ni yakusawusyaAtile sili syakamwile sooni.
15 Ŵandu wosope ŵakusaŵecheta kuti, “Eyaa, yagwilile.”
Atende woga ligongo lya yindu yakutesya sooni yayatendechele.
16 Nambo ŵandu wosope ŵakwasosasosa wawojoAsangalale soni anyadile ligongo lya wawojo.
Ŵandu ŵakusasangalala ni yakusatendaga wawojo pakulupusya, ndaŵi syosope aŵecheteje kuti:
“Achimbichikwe Yehofa.”
17 Nambo une ngusoŵa pakamula soni ngulaga.Wawo Yehofa, alole yayikundendechelayi ni kungamuchisya.
Wawojo ni ŵakusangamuchisya soni ŵakusangulupusya.Wawo Mlungu jwangu, akachelewa chonde.
Maloŵe Gamwiŵanda
^ Kapena kuti, “mwakuwusimana mtima.”
^ Kapena kuti, “ŵajineme kuti ambikane.”
^ Kapena kuti, “nganasangalala ni.”
^ Kapena kuti, “ngusaŵa jwakusachilila.”
