Masalimo 36:1-12
Kwa jwakulongolela nyimbo. Nyimbo ja Daudi mtumiki jwa Yehofa.
36 Ulemwa ukusalongolela mtima wa mundu jwakusakala.Pangali chilichose chakusachiwona jwalakwejo champaka chimtendekasye kumjogopa Mlungu.
2 Pakuŵa m’meso mwakwe akusaliwona kuŵa mundu jwakusosekwa mnopeMwamti ŵangakombola kuyiwona yakulemwa yakwe ni kuŵengana nayo.
3 Maloŵe ga mkamwa mwakwe gali gakupweteka soni gachinyengo.Jwalakwe nganakola lunda lwakumkamuchisya kutenda yindu yambone.
4 Jwalakwe akusalinganya yiwembu yakogoya atamose ali pabedi jakwe.
Akusajenda palitala lyanganiliŵa lyambone.Jwalakwe jwangaŵengana ni yindu yakusakala.
5 Wawo Yehofa, chinonyelo chawo chakulupichika chiyiche mpaka kwinani.Soni kukulupichika kwawo kuyiche mpaka kumawunde.
6 Chilungamo chawo chili mpela matumbi gekulungwa.*Yakusati wawojo pakuwelusya yili mpela mesi gejinji gakusokoka.
Wawo Yehofa, wawojo akusasunga* umi wa mundu soni wa chinyama.
7 Wawo Mlungu, chinonyelo chawo chakulupichika chili cha mtengo wapenani.
Ŵanache ŵa ŵandu akusatilila mu m’bwilili wa mapapiko gawo.
8 Jemanjaji akusamwa yindu yambone ya m’nyumba jawo mpaka kwikuta.Akusiŵapaga jemanjajo yindu yambone yejinji mpela kuti akwamwesya mesi kutyochela mu lusulo lwa mesi gejinji.
9 Wawojo ni ŵakusapeleka umi.Ligongo lya kuŵala kwawo m’weji tukusaliwona lilanguka.
10 Apitilisye kwalosya chinonyelo chawo chakulupichika ŵandu ŵakusiŵamanyilila wawojo,Soni chilungamo chawo kwa ŵandu ŵagoloka mtima.
11 Akakunda kuti lusajo* lwa mundu jwakulikwesya lumbonde une,Kapena kukunda kuti mkono wa mundu jwakusakala undopole.
12 Alole, ŵandu ŵakutenda yakusakala agwile.Ŵagwisisye pasi mwamti nganaŵa ajimwichesoni.
Maloŵe Gamwiŵanda
^ Mu Chihebeli ŵatiga, “mpela matumbi ga Mlungu.”
^ Kapena kuti, “akusakulupusya.”
^ Ŵane akusati “likawu.”
