Salimo 33:1-22
33 Mjimbe mwakwesya maloŵe soni mwakusangalala ligongo lya Yehofa,+ jemanja ŵandu ŵakulungama.
Yili yakuŵajilwa kuti ŵandu ŵagoloka mtima amchimbichisyeje jwalakwejo.
2 Mumyamichile Yehofa ni chida chakwimbila cha ngonji.Mumjimbile nyimbo syakumchimbichisya* jwalakwe ni chida chakwimbila cha ngonji 10.
3 Mumjimbile jwalakwe nyimbo jasambano.+Kodolani ngonjisyo mwalunda, soni mjimbe mwakwesya maloŵe mli mkusangalala.
4 Pakuŵa maloŵe ga Yehofa gali gagoloka,+Soni chilichose chakusatenda chili chakudalilichika.
5 Jwalakwejo akusanonyela chilungamo soni akusalamula* mwangali lusagu.+
Chilambo chapasi chigumbele ni chinonyelo chakulupichika cha Yehofa.+
6 Yehofa paŵaŵechete, kwinani kwapanganyidwe,+Soni ni mpweya* wakopoka mkamwa mwakwe ŵapanganyisye yosope yayili kweleko.*
7 Jwalakwe akusagaŵika pampepe mesi ga m’nyasa mpela litanda.+Jwalakwe akusagaŵika mesi gamkokomo m’malo gakwe gakusunjila.
8 Chilambo chosope chimjogope Yehofa.+
Ŵandu wosope ŵakutama pachilambo chapasi amjogope jwalakwejo.
9 Pakuŵa jwalakwe paŵaŵechete, chilambo chapali.+Soni jwalakwe paŵalamwile, chilambo chatamilichiche mwakulimbangana.+
10 Yehofa alepelekasisye yakulinga ya mitundu ja ŵandu.+Jwalakwe asokonasisye mapulani ga ŵandu.*+
11 Nambo yakusaka ya Yehofa yichitama mpaka kalakala.+Yakusaganisya mumtima mwakwe kuti ayitende yichitama ku mibado* josope.
12 Wakusangalala uli mtundu wa ŵandu ŵele Mlungu jwawo ali Yehofa,+Ŵandu ŵaŵasagwile jwalakwe kuti aŵe chipanje chakwe.+
13 Kutyochela kwinani, Yehofa akusalola pasi.Jwalakwe akusiŵawona ŵanache wosope ŵa ŵandu.+
14 Kutyochela kumalo gakwe gakusatama,Jwalakwe akusiŵalolechesya ŵandu ŵakusatama pachilambo chapasi.
15 Jwalakwe ni jwakusagumba mitima josope ja ŵandu.Jwalakwe akusawungunya masengo gawo gosope.+
16 Pangali mwenye jwampaka akulupuche ligongo lyakuti akwete asilikali ŵajinji.+Pangali mundu jwamachili jwampaka akulupuche ligongo lya machili gakwe.+
17 Hachi nganijiŵa jimkulupwisye mundu.*+Machili gakwe gekulungwa nganigaŵa gamkulupwisye mundu.
18 Alole, Yehofa akusiŵalolela ŵandu ŵakusamjogopa jwalakwe,+Ŵandu ŵakusamjembecheya jwalakwe kuti ŵalosye chinonyelo chakwe chakulupichika,
19 Kuti ŵakulupusye jemanjajo ku chiwaSoni kuti ŵasunje ŵaumi pandaŵi ja sala.+
20 M’weji tukwembecheya Yehofa.
Jwalakwe ni jwali jwakutukamuchisya soni chakuchijila chetu.+
21 Mitima jetu jikusangalala ligongo lya jwalakwe,Pakuŵa tukusalidalila lina lyakwe lyeswela.+
22 Wawo Yehofa,+ chinonyelo chawo chakulupichika chiŵe pa m’weji,Aku tuli mkupitilisya kwajembecheya wawojo.+
