Masalimo 24:1-10

  • Mwenye jwakuchimbichika jukwinjila m’mageti

    • ‘Chilambo chapasi chili cha Yehofa’ ’ (1)

Nyimbo ja Daudi. 24  Chilambo chapasi soni yosope yayili mwelemo yili ya Yehofa.Litaka soni ŵandu wosope ŵakusatama pelepo ali ŵa jwalakwe.  2  Pakuŵa jwalakwe ŵachitamiche chilambo chapasi mwakulimbangana panyasaSoni ŵachitamiche mwakulimbangana pa sulo sya mesi.  3  Ana ŵani ŵampaka akwele ku litumbi lya Yehofa,Soni ana ŵani ŵampaka ajime pamalo gakwe geswela?  4  Ali mundu jwalijose jwali jwamswela mtima soni jwali jwangalemwa,Mundu jwele jwanganalumbileje mwaunami pa lina lyangu,*Kapena kulumbila mwachinyengo.  5  Jwalakwe chachipochela upile kutyochela kwa YehofaSoni Mlungu jwakwe jwakusamkulupusya chachimwona kuti ali jwakulungama.  6  Welewu uli m’bado* wa ŵandu ŵakusamsosasosa jwalakwe,M’bado wa ŵandu ŵakusajisosasosa ngope jawo, wawo Mlungu jwa Yakobo. (Selah)  7  Mjimusye mitwe jenu, jemanja mageti.Mwuguche,* jemanja milango jakalakala,Kuti Mwenye jwakuchimbichika jujinjile.  8  Ana Mwenye jwakuchimbichikaju ali ŵani? Ali Yehofa, jwakulimbangana soni jwamachili.Ali Yehofa, jwamachili mnope pangondo.  9  Mjimusye mitwe jenu, jemanja mageti.Mwuguche, jemanja milango jakalakala,Kuti Mwenye jwakuchimbichika jujinjile. 10  Ana ni ŵani jwali Mwenye jwakuchimbichikaju? Ali Yehofa jwa magulu ga ngondo, jweleju ni jwali Mwenye jwakuchimbichika. (Selah)

Maloŵe Gamwiŵanda

^ Kapena kuti, “paumi wangu.” Pelepa akwamba pa umi wa Yehofa wakusakamulichisya masengo ŵandu pakulumbila.
^ Ŵane akusati “mpago.”
^ Kapena kuti, “Mjimuche.”

Copyrights for this publication