Masalimo 20:1-9
-
Chikulupusyo kwa mwenye jwakusagulidwa jwa Mlungu
-
Ŵane akusadalila magaleta, ŵane mahachi, “nambo m’we tukusaŵilanga pa lina lya Yehofa” (7)
-
Kwa jwakulongolela nyimbo. Nyimbo ja Daudi.
20 Yehofa ŵajanje wawojo palisiku lya yipwetesi.
Lina lya Mlungu jwa Yakobo lyachenjele wawojo.
2 Jwalakwe ŵakamuchisye wawojo kutyochela kumalo gakwe geswelaSoni ŵalimbisye wawojo kutyochela ku Siyoni.
3 Nguŵenda kuti jwalakwejo akumbuchile mituka jawo josope jakusapeleka mpela mbopesi.Jwalakwe apochele* mbopesi syawo syakutinisya mwakusangalala. (Selah)
4 Nguŵenda kuti jwalakwe ŵape wawojo yakusaka ya mtima wawoSoni ŵakamuchisye kuti mapulani gawo gosope gajende chenene.*
5 M’weji tuchigumila mwakusangalala ligongo lya chikulupusyo chawo.M’weji tuchikwesya mbendela syetu mwinani pakulichimbichisya lina lya Mlungu jwetu.
Nguŵenda kuti Yehofa ŵatendele wawojo yindu yosope yaŵendile.
6 Sambano ngumanyilila kuti Yehofa akusamkulupusya jwakusagulidwa jwakwe.
Akusamjanga jwalakwejo kutyochela kwinani kumalo gakwe geswela.Akusamjanga mwakumkulupusya ni mkono wakwe wamlyo wamachili.
7 Ŵandu ŵane akusadalilaga magaleta* soni ŵane akusadalilaga mahachi.Nambo m’we tukusaŵilanga pa lina lya Yehofa Mlungu jwetu.
8 Ŵandu ŵelewo agwile soni amasile,Nambo m’we tujimwiche ni kwimasoni mwakulimbangana.
9 Wawo Yehofa, amkulupusye mwenye.
Atujanje pandaŵi jatupopesile kwa wawojo kuti atukamuchisye.
Maloŵe Gamwiŵanda
^ Mu Chihebeli ŵatiga, “asiwone mpela mawuta.”
^ Kapena kuti, “kuti yakulinga yawo yosope yijende chenene.”
^ Magaleta gali ngolo syakuwutidwa ni mahachi.
