Masalimo 19:1-14
Kwa jwakulongolela nyimbo. Nyimbo ja Daudi.
19 Kwinani kukuwandisya uchimbichimbi wa Mlungu.Kwinaniko kukulalichila* masengo ga makono gakwe.
2 Musi uliwose kukusaŵecheta,Soni chilo chilichose kukusalosya lunda.
3 Kwangaŵecheta mwakoposya maloŵe.Maloŵe gakwe gangapikanika.
4 Nambo kuŵecheta kwakwe kukusapikanika* pachilambo chosope chapasi,Soni utenga wakwe ukusaja kwika mpaka kumbesi kwa chilambo chapasi.
Jwalakwejo akunjile tenti ja lyuŵa kwinani.
5 Lyuŵalyo palikukopoka likusaŵa mpela mlombela akukopoka m’nyumba jakwe palisiku lya ukwati wakwe.Likusasangalala mpela mundu jwamachili jwakuwutuka pampikisano wakwe.
6 Likusakopoka kutyochela kumbali jimo ja kwinani,Ni kwenda* mpaka kuja kwika kumbali jine ja kwinani.Soni chindu chilichose chikusapikana mtukuta wakwe.
7 Malamusi ga Yehofa gali gamlama, gakusampa mundu machili.
Yakusatukumbusya Yehofa yili yakudalilichika, yikusampaga lunda mundu jwangamanyilila yindu.
8 Yalamwile Yehofa yili yakulungamika, yikusasangalasya mtima wa mundu.Malamusi ga Yehofa gali geswela, gakusamwugulaga meso mundu.
9 Kumjogopa Yehofa kuli kwambone,* soni kuchitama mpaka kalakala.
Yalamwile Yehofa yili yakudalilichika, yosope yene yikusaŵa yachilungamo.
10 Yindu yeleyi yili yakwenela kuyisosasosa kupunda golide,Elo, kupunda golide jwambone mnope.*Soni yili yakulyolyopela kupunda uchi, atamose uchi wawukugwa kutyochela pa masyega.
11 Yikusamkalamusya jwakutumichila jwawo.Soni jwalakwejo pakuyisunga, akusapata upile wekulungwa.
12 Ana ŵani ŵampaka amanyilile jika yakulemwa yakwe?
Akambona kuti ndili jwakulemwa pa yindu yanalemwechesye mwangamanyilila.
13 Amkamuchisye jwakutumichila jwawo kuti akatendaga yindu mwakulikwesya.Akakunda kuti kutenda yindu mwakulikwesya kundamulileje.
Naga wawojo akungamuchisya chamti myiyi chinjiŵa jwakwanila,Soni ngasingola yakulemwa yejinji.
14 Maloŵe ga pakamwa pangu soni yangusaganisya mumtima mwanguYasangalasyeje wawojo, wawo Yehofa, Lwala lwangu soni Mkulupusyo jwangu.
Maloŵe Gamwiŵanda
^ Kapena kuti, “Mwinani mukulalichila.”
^ Kagopolele kanesoni, “Nambo lukonji lwakwe lwakulinjila lukusayika.”
^ Kapena kuti, “Ni kusyungulila.”
^ Kapena kuti, “kuli kweswela.”
^ Kapena kuti, “golide jwakwenga chenene.”
