Masalimo 16:1-11
Mikitamu* ja Daudi.
16 Anjenjele une, wawo Mlungu, pakuŵa ndilile kwa wawojo.
2 Une namsalile Yehofa kuti, “Wawojo ali Yehofa, yiliyose yambone paumi wangu yikusatyochela kwa wawojo.
3 Ŵaswela wosope pachilambo chapasi,Ŵakuchimbichika wosope, akusandendekasya kuŵa jwakusangalala.”
4 Ŵandu ŵakujikuya milungu jine akusaliwunjichila yakupweteka.
Une ngasimbeleka nawo mbopesi syawo sya myasi mpela mbopesi sya yakumwa,Soni ngomo syangu ngasisikolanga mena gawo.
5 Yehofa ali jwangu, ali mbali jangu jakupochela soni kapu jangu.
Wawojo akusachichenjela chipanje changu.
6 Malo gapimile ni kumba une gali gambone.
Elo, ngwikutila ni chipanje changu.
7 Chinjimchimbichisya Yehofa, jwasalile une yindu yakamuchisya.
Atamose chilo, nganisyo sya pasi pa mtima wangu* sikusanjongolela.
8 Namŵisile Yehofa pasogolo pangu ndaŵi syosope.
Ligongo lyakuti jwalakwe ali kumkono wangu wamlyo, une ngasindenganyika.
9 Myoyo mtima wangu ukusangalala, nditu ngusangalala mnope.*
Soni ngusatama* mwangajogopa chilichose.
10 Wawojo ngasandeka une m’Malembe.*
Wawojo ngasakunda kuti jwakulupichika jwawo aliwone lisimbo.*
11 Wawojo akusamanyisya une litala lya umi.
Pandili ni wawojo* ngusaŵa jwakusangalala mnope.Kumkono wawo wamlyo kwana chisangalalo mpaka kalakala.
Maloŵe Gamwiŵanda
^ Alole Kugopolela kwa Maloŵe Gane.
^ Kapena kuti, “nganisyo syangu syamkati mnope.” Mu Chihebeli ŵatiga, “mbyo syangu.”
^ Mu Chihebeli ŵatiga, “nditu uchimbichimbi wangu uli kusangalala.”
^ Kapena kuti, “chilu changu chikusatama.”
^ Alole Kugopolela kwa Maloŵe Gane.
^ Kagopolele kanesoni, “jwakulupichika jwawo awole.”
^ Mu Chihebeli ŵatiga, “Pandili pangope jawo.”
