Masalimo 149:1-9
149 Amchimbichisye Ya!*
Amjimbile Yehofa nyimbo jasambano.Amchimbichisye jwalakwejo pasikati pa mpingo wa ŵakulupichika ŵakwe.
2 Isalayeli asangalale ligongo lya Jwakumpanganya Jwamkulungwa.Ŵanache ŵa Siyoni asangalale ligongo lya Mwenye jwawo.
3 Jemanjajo aŵineje pakulichimbichisya lina lyakweSoni ajimbeje nyimbo syakumchimbichisya jwalakwejo ni kagoma pampepe ni chida changonji.
4 Pakuŵa Yehofa akusasangalala ni ŵandu ŵakwe.
Jwalakwe akusiŵasalalisya ŵandu ŵakufasa* mwakwawecha chikulupusyo.
5 Ŵandu ŵakulupichika asangalale ligongo lya uchimbichimbi wawo.Jemanjaji agumile mwakusangalala ali pabedi* jawo.
6 Nyimbo syakumchimbichisya Mlungu sikatyoka pakamwa pawo,Soni upanga* wakutema kosekose uŵe mmyala mwawo,
7 Kuti jemanjajo ŵawuchisye ŵandu ŵamitundu jineSoni kwapa chilango* ŵandu.
8 Jemanjajo chachigataŵa mamwenye ga mitundu jeleji ni maunyoloSoni ŵandu ŵawo ŵakuchimbichika chachataŵa ni yeni.
9 Jemanjajo chachapa ŵandu ŵeleŵa chilango chachalembedwe kalakala.
Welewu ni uchimbichimbi wa ŵakulupichika ŵakwe wosope.
Amchimbichisye Ya!*
Maloŵe Gamwiŵanda
^ Kapena kuti, “Aleluya!” “Ya” kali kasale kakata ka lina lyakuti Yehofa.
^ Ŵane akusati “kulijinichila.”
^ Ŵane akusati “pachindanda.”
^ Upanga ukusawoneka mpela chipula chekulungwa chakutema kosekose.
^ Ku Mozambique akusati “chamuko.”
^ Kapena kuti, “Aleluya!” “Ya” kali kasale kakata ka lina lyakuti Yehofa.
