Masalimo 146:1-10
146 Amchimbichisye Ya!*
Umi wangu wosope umchimbichisye Yehofa.
2 Chinjimchimbichisya Yehofa kwa umi wangu wosope.
Chinjijimba nyimbo syakumchimbichisya* Mlungu jwangu pandaŵi josope jandili ni umi.
3 Mkadalilaga ŵandu ŵakuchimbichika*Kapena mwanache jwa mundu jwalijose, jwele nganaŵa ayikasisye chikulupusyo.
4 Mpweya wakwe ukusatyoka, kaneko jwalakwe akusawujila kwitaka.Yosope yaŵaganisyaga yikusamalila palisiku lilyolyo.
5 Jwakusangalala ali mundu jwakusamkulupilila Mlungu jwa Yakobo mpela jwakumkamuchisya jwakwe,Elo, mundu jwakwembecheya pa Yehofa Mlungu jwakwe.
6 Mlungu jweleju ni juŵapanganyisye kwinani, chilambo chapasiSoni nyasa, nambosoni yindu yosope yayikusimanikwa m’malo gelega.Jwalakwe akusaŵa jwakulupichika ndaŵi syosope.
7 Jwalakwe ni jwakusalolechesya kuti yindu yijesile mwachilungamo kwa ŵandu ŵajiŵilidwe yindu mwachinyengo.Soni jwalakwe ni jwakusapeleka yakulya kwa mundu jwasala.
Yehofa ni jwakusiŵagopola ŵandu ŵali mundende.*
8 Yehofa ni jwakusawugula meso ga mundu jwangalola.Yehofa ni jwakusiŵajinamukula ŵandu ŵajineme.Yehofa akusiŵanonyela ŵandu ŵakulungama.
9 Yehofa ni jwakusiŵachenjela achalendo.Jwalakwe akusiŵakamuchisya ŵanache ŵamasije* soni achakongwe ŵamasije.Nambo mapulani ga ŵandu ŵakusakala akusagalepelekasya.*
10 Yehofa chachiŵa mwenye mpaka kalakala,Elo, Mlungu jwenu, mmwe Siyoni, chachiŵa mwenye kumibado* josope jakwika msogolo.
Amchimbichisye Ya!*
Maloŵe Gamwiŵanda
^ Kapena kuti, “Aleluya!” “Ya” kali kasale kakata ka lina lyakuti Yehofa.
^ Kapena kuti, “Chinjijimba nyimbo ni yida yakwimbila kwa.”
^ Kapena kuti, “ŵandu ŵakulongolela.”
^ Mu Chihebeli ŵatiga, “ŵandu ŵataŵidwe.”
^ Mu Chihebeli ŵatiga, “ŵanache ŵangali baba ŵawo.”
^ Kapena kuti, “Nambo matala ga ŵandu ŵakusakala akusagatendekasya kuti gapindiche.”
^ Ŵane akusati “mipago.”
^ Kapena kuti, “Aleluya!” “Ya” kali kasale kakata ka lina lyakuti Yehofa.
