Masalimo 141:1-10
Nyimbo ja Daudi.
141 Wawo Yehofa, une naŵilasile wawojo.
Ayiche mwachitema kuti angamuchisye.
Atejele liwiwi lyawo pandaŵi jangwaŵilanga.
2 Lipopelo lyangu liŵe lyelinganye chenene mpela mbopesi sya yakununjila pameso pawo.Soni mapopelo gangu gakuchondelela gaŵe mpela mbopesi jambeju ja ligulo.
3 Wawo Yehofa, apaŵichile pakamwa pangu mlonda.Elo, aŵiche mlonda jwakuti alondeleje ngomo syangu.
4 Akakunda kuti nganichisyeje chindu chilichose chakusakala mumtima mwangu,Ni chakulinga chakuti ŵambaleje kutenda nawo yindu yachabe yakusatenda ŵandu ŵakusakala.Nguŵenda kuti angamuchisye kuti ngalyaga nawo yakulya yawo yapenani.
5 Naga mundu jwakulungama ambutile likofi, nikuti alosisye une chinonyelo chakulupichika.Naga jwalakwejo anjamwiche une, yili mpela andasile mawuta mumtwe mwangu,Mawuta gele mtwe wangu nganiwuŵa ugakanile.
Chinjipitilisya kwapopelela ŵakulungamawo atamose pandaŵi jakusimana ni yipwetesi.
6 Atamose ŵakwelusya ali ŵaponyisye pasi kutyochela palwala,Nambope ŵandu chachitejela liwiwi ku maloŵe gangu, ligongo gali gakunonyelesya.
7 Mawupa getu gabalalikangene pakamwa pa Malembe,*Mpela mwalikusatendela litaka mundu palimile.
8 Nambo meso gangu gali pa wawojo, wawo Yehofa Ambuje Ŵakulungwa Mnope.
Une njuŵile kwa wawojo.
Akakunda kuti mbwe.
9 Anjenjele une kuti ngatanjila ku chitega chandejele,Elo, ku yitega ya ŵandu ŵakusakala.
10 Ŵandu wosope ŵakusakala chachitanjila mu lwawu lwawo.Nambo une chinjigamba kupita chenenepe.
Maloŵe Gamwiŵanda
^ Alole Kugopolela kwa Maloŵe Gane.
