Masalimo 14:1-7

  • Nganisyo sya mundu jwakuloŵela

    • “Yehofa kwangali” (1)

    • “Pangali jwakutenda yindu yambone” (3)

Kwa jwakulongolela nyimbo. Nyimbo ja Daudi. 14  Mundu jwakuloŵela* akusaŵecheta mumtima mwakwe kuti: “Yehofa kwangali.” Yitendo yakwe yili yachabe, soni akusatenda yindu yakusakala.Pangali atamose jumo jwakutenda yindu yambone.  2  Nambo Yehofa kutyochela kwinani akusiŵalolechesya ŵanache ŵa ŵanduKuti alole naga apali jwalijose jwakupikanichisya yindu, kapena naga apali jwalijose jwakumsosasosa Yehofajo.  3  Nambo wosope alesile kutenda yambone.Wosope ali ŵakusakala. Pangali jwakutenda yindu yambone,Pangali atamose jumo.  4  Pa ŵakusakalaŵa, ana pangali jwalijose jwakupikanichisya yindu? Jemanjaji akusiŵajonanga ŵandu ŵa Mlungu mpela mwakusalila yakulya. Ŵandu ŵeleŵa ngakusapopela kwa Yehofa.  5  Nambo jemanjaji woga wuchakamula mnope,Ligongo Yehofa akusaŵaga pasikati pa m’bado* wakulungama.  6  Jemanja ŵandu ŵakusakala mkusalingalinga kusokonasya mapulani ga mundu jwakulagasika.Nambo Yehofa ali malo gakwe gakutilila.  7  Nguŵenda kuti chikulupusyo cha Isalayeli chityochele ku Siyoni. Yehofa pachachasonganganya ŵandu ŵakwe kutyochela ku ukapolo,Yakobo asangalale, elo, Isalayeli anyadile.

Maloŵe Gamwiŵanda

^ Kapena kuti, “Mundu jwangali lunda.”
^ Ŵane akusati “mpago.”
BAIBULO LA DZIKO LATSOPANO LA MALEMBA OPATULIKA (2013 Edition)
Masalimo 14
Chiyao
Aŵalanje Baibulo ja pa Intaneti
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt