Masalimo 139:1-24
Kwa jwakulongolela nyimbo. Nyimbo ja Daudi.
139 Wawo Yehofa, wawojo awungunyisye une mwambelele, mwamti akumanyilila chenene.
2 Wawojo akusamanyilila une pangutama soni pangwimuka.
Wawojo akusasimanyilila nganisyo syangu ali kwakutalika.
3 Wawojo akusandolechesya* pangwenda soni pangugona.Wawojo akusagamanyilila matala gangu gosope.
4 Mkanimbe kuŵecheta maloŵe galigose ni pakamwa pangu,Wawojo Yehofa akusaŵa agamanyilile kala.
5 Wawojo akusasyungulila une ni kunjenjela kumbali syosope.Soni mkono wawo ukusaŵa pa une.
6 Wawojo akusamanyilila une chenene mwamti yeleyi yikusanjimika mtwe.*
Yeleyi yili yakusawusya mnope kwa une kuti nayipikanichisye.
7 Ana mpaka mjawule kwapi pakuwutila msimu wawo?Soni ana mpaka mjawule kwapi pakujitila ngope jawo?
8 Naga ngutilila kwinani, kweleko wawojo chachimbona,Soni naga ngugona m’Malembe,* wawojo chachiŵasoni kweleko.
9 Atamose ndili ngulwiche mwachitemachitema mpela kwenda kwa lilanguka lya kundaŵiKuti ngatame kumbesi kwa nyasa,
10 Kwelekosoni mkono wawo uchilongolela une.Mkono wawo wamlyo uchingamula une.
11 Naga nguŵecheta kuti, “Nditu chipi chichisisa une!”
Pelepo chipi chachisyungulile unecho chichisanduka kuŵa lilanguka.
12 Atamose chipi ngasichiŵa kandu kose kwa wawojo,Nambo chilo chichiŵala mpela musi.Kwa wawojo chipi chili mpela lilanguka.
13 Pakuŵa wawojo ŵapanganyisye yiŵalo yamkati mwa chilu changu.*Wawojo ŵaŵijilile une* panaliji m’matumbo mwa mama ŵangu.
14 Wawojo ŵambanganyisye une mwakusimonjesya, soni yeleyi yikusandesya woga mwamti yikusandendekasya kuti nachimbichisye.
Masengo gawo gali gakusimonjesya,Mwamti une nguyimanyilila chenene yeleyi.
15 Mawupa gangu nganigaŵa gakusisika kwa wawojo,Paŵambanganyaga m’malo gakusisika,Elo, paŵangumbaga m’malo gakusokoka ga chilambo chapasi.
16 Meso gawo gambweni atamose panaliji m’matumbo mwa mama ŵangu.Yiŵalo yangu yosope ŵayilembile m’buku jawoSoni ŵalembile mwelemo yakwamba ndaŵi jayichipanganyidwa.Elo, ŵalembile yeleyi chiŵalo chine chilichose mkanichiŵe kupanganyidwa.
17 Myoyo yindu yakusaganisya wawojo yili yamtengo wapenani kwa une.
Yakusaganisyayo yili yejinji mnope, wawo Mlungu.
18 Pangulinga kuti nayiŵalanje ngusayiwona kuti yipali yejinji mnope kupunda mchenga.
Panjimwiche, ngusaŵa chiŵela ni wawojo.*
19 Wawo Mlungu, yikaliji chenene yikaŵe kuti ŵasikite ŵandu ŵakusakala.
Pelepo ŵandu wosope ŵachiwawa* ngamkanambandichila une.
20 Jemanjajo akusaŵecheta yakusakala yakwamba wawojo ali akwete yakulinga yachabe.*Jemanjaji ali adani* ŵawo ŵakusalikamulichisya masengo lina lyawo m’litala lyakulemwecheka.
21 Wawo Yehofa, ana ngati une ngusaŵengana ni ŵandu ŵakusaŵengana ni wawojo,Soni ŵandu ŵakwajimuchila wawojo akusasakalisya?
22 Une ngusaŵengana nawo mnope jemanjajo.Ŵandu ŵeleŵa achenjile ni kuŵa adani ŵangu ŵasyesyene.
23 Ambungunye mwambelele une, wawo Mlungu, soni amanyilile mtima wangu.
Ambungunye une kuti amanyilile yayikundagasya* nganisyo.
24 Awungunye kuti alole naga mwa une mwana litala lililyose lya chabe,Ni kulongolela une kuti njende pa litala lya umi wangamala.
Maloŵe Gamwiŵanda
^ Mu Chihebeli ŵatiga, “akusambima.”
^ Kapena kuti, “yikusasimonjesya mnope une.”
^ Alole Kugopolela kwa Maloŵe Gane.
^ Mu Chihebeli ŵatiga, “ŵapanganyisye mbyo syangu.”
^ Kagopolele kanesoni, “ŵaluchile une.”
^ Kagopolele kanesoni, “ngusaŵa ndili mkuyiŵalangape.”
^ Kapena kuti, “ŵandu ŵamagambo ga myasi.”
^ Kapena kuti, “mwakamulana ni nganisyo syawo.”
^ Ŵane akusati “achimmagongo.”
^ Kapena kuti, “yayikusokonasya.”
