Masalimo 137:1-9
137 Twagambile kutamatama mumbali mwa sulo sya ku Babulo.
Twalisile patwakumbuchile msinda wa Siyoni.
2 Twakolechekoleche yakwimbila yetu yangonjiPayitela ya kweleko* ya mumbali mwa sulo.
3 Pakuŵa kweleko ŵandu ŵaŵatukamwilewo ŵatuŵendile kuti twajimbile nyimbo.Ŵandu ŵaŵatunyosyagawo ŵasakaga kuti twasangalasye.
Ŵatiga, “Mtujimbile nyimbo jimo ja ku Siyoni.”
4 Ana mpaka tukombole uli kwimba nyimbo ja YehofaM’chilambo chachilendo?
5 Naga ngumliŵalila mmwe Yelusalemu,Mkono wangusoni wamlyo uliŵalichiche.*
6 Naga ngangumkumbuchila mmwejo,Lulumi lwangu lunyambatile mkamwa mwangu.Elo, naga ngangumŵika mmwejo YelusalemuKuŵa ligongo lyangu lyekulungwa lyakusangalalila.
7 Wawo Yehofa, akumbuchileMaloŵe gaŵaŵechete Aedomu palisiku lyawagwile msinda wa Yelusalemu.
Paja ŵatite, “Awugwisye msindawo mpaka ni fendeshoni* jakwe! Awugwisye kwene msinda wosopewo!”
8 Mmwe mwanache jwamkongwe jwa Babulo, jwamsigele panandi konasika,Jwakusangalala chachiŵa mundu juchachiyikasya pa mmwejoYipwetesi yakulandana ni yamwatugwichisye m’weji.
9 Jwakusangalala chachiŵa mundu juchachakamula ŵanache ŵenuNi kwaputisya pa lwala.
Maloŵe Gamwiŵanda
^ Pelepa akwamba ku Babulo.
^ Kagopolele kanesoni, “unyale.”
^ Ŵane akusati “yilimbilimbi.”
