Masalimo 136:1-26
136 Amyamichile Yehofa, pakuŵa jwalakwejo ali jwambone.Chinonyelo chakwe chakulupichika chichitama mpaka kalakala.
2 Amyamichile Mlungu jwakupunda milungu jine josope,Pakuŵa chinonyelo chakwe chakulupichika chichitama mpaka kalakala.
3 Ŵayamichile Ambuje ŵachambuje wosope,Pakuŵa chinonyelo chawo chakulupichika chichitama mpaka kalakala.
4 Jwalakwejo jika ni jwakusatenda yindu yekulungwa yakusimonjesya,Pakuŵa chinonyelo chakwe chakulupichika chichitama mpaka kalakala.
5 Jwalakwe ŵapanganyisye kwinani mwalunda,Pakuŵa chinonyelo chakwe chakulupichika chichitama mpaka kalakala.
6 Jwalakwe ŵachiŵisile chilambo chapasi penani pamesi mwakuchitambasukula,Pakuŵa chinonyelo chakwe chakulupichika chichitama mpaka kalakala.
7 Jwalakwe ŵapanganyisye yakumulichila yekulungwakulungwa,Pakuŵa chinonyelo chakwe chakulupichika chichitama mpaka kalakala.
8 Elo, ŵapanganyisye lyuŵa kuti lilamulileje musi,Pakuŵa chinonyelo chakwe chakulupichika chichitama mpaka kalakala.
9 Ŵapanganyisyesoni mwesi ni ndondwa kuti silamulileje chilo,Pakuŵa chinonyelo chakwe chakulupichika chichitama mpaka kalakala.
10 Jwalakwe ŵawuleje ŵanache ŵandanda kupagwa ŵa ku Iguputo,Pakuŵa chinonyelo chakwe chakulupichika chichitama mpaka kalakala.
11 Jwalakwe ŵakopwesye Ayisalayeli, kwatyosya pasikati pa Aiguputowo,Pakuŵa chinonyelo chakwe chakulupichika chichitama mpaka kalakala.
12 Ŵatesile yeleyi ni mkono wakwe wamachili soni wetambasukule,Pakuŵa chinonyelo chakwe chakulupichika chichitama mpaka kalakala.
13 Jwalakwe ŵajigaŵile paŵili* Nyasa Jechejewu,Pakuŵa chinonyelo chakwe chakulupichika chichitama mpaka kalakala.
14 Jwalakwe ŵapitisye Ayisalayeli pakatikati pa nyasajo,Pakuŵa chinonyelo chakwe chakulupichika chichitama mpaka kalakala.
15 Jwalakwe ŵamtutile mu Nyasa Jechejewu Falawo ni asilikali ŵakwe,Pakuŵa chinonyelo chakwe chakulupichika chichitama mpaka kalakala.
16 Jwalakwe ŵalongolele ŵandu ŵakwe paŵapitaga m’chipululu,Pakuŵa chinonyelo chakwe chakulupichika chichitama mpaka kalakala.
17 Jwalakwe ŵagajonasile mamwenye gekulungwakulungwa,Pakuŵa chinonyelo chakwe chakulupichika chichitama mpaka kalakala.
18 Ŵagawuleje mamwenye gamachili,Pakuŵa chinonyelo chakwe chakulupichika chichitama mpaka kalakala.
19 Elo, ŵamwuleje Sihoni mwenye jwa Aamoli,Pakuŵa chinonyelo chakwe chakulupichika chichitama mpaka kalakala.
20 Ŵamwulejesoni Ogi mwenye jwa ku Basana,Pakuŵa chinonyelo chakwe chakulupichika chichitama mpaka kalakala.
21 Jwalakwe ŵachipeleche chilambo cha jemanjajo kwa ŵandu ŵakwe kuti chiŵe chipanje chawo,Pakuŵa chinonyelo chakwe chakulupichika chichitama mpaka kalakala.
22 Elo, ŵachipeleche kwa jwakutumichila jwakwe Isalayeli kuti chiŵe chipanje chakwe,Pakuŵa chinonyelo chakwe chakulupichika chichitama mpaka kalakala.
23 Jwalakwe ŵatukumbuchile m’weji patwaliji mkulagasika,Pakuŵa chinonyelo chakwe chakulupichika chichitama mpaka kalakala.
24 Jwalakwe ŵaliji mkutukulupusya kwa adani* ŵetu,Pakuŵa chinonyelo chakwe chakulupichika chichitama mpaka kalakala.
25 Jwalakwe akusachipa yakulya chaumi chilichose,Pakuŵa chinonyelo chakwe chakulupichika chichitama mpaka kalakala.
26 Amyamichile Mlungu jwakwinani,Pakuŵa chinonyelo chakwe chakulupichika chichitama mpaka kalakala.
