Masalimo 132:1-18
Nyimbo jakwimba pakwela kwawula kumsinda.
132 Wawo Yehofa, amkumbuchile DaudiSoni yakusawusya yakwe yosope.
2 Wawo Yehofa, akumbuchile yaŵalumbile jwalakwejo kwa wawojo.Elo, akumbuchile chilanga chaŵatesile jwalakwe kwa wawojo, Mlungu Jwamachili jwa Yakobo, chakuti:
3 “Une ngasinjinjila mu tenti jangu, jajili nyumba jangu.
Une ngasingona pamalo gangu gagona, elo, pabedi* jangu.
4 Une ngasingunda kugona,Atamosesoni kuwugala meso gangu
5 Mpaka ndili nampatile Yehofa malo gakwe gakutama,Elo, malo gambone* gakutama Mlungu Jwamachili jwa Yakobo.”
6 Alole! Twapikene yakwamba chindu chelechi* patwaliji ku Efulata,Soni twachisimene mu dela ja ngalango.
7 Kwende tujawule kumalo gakwe gakusatama.*Kwende tukamtindiŵalile jwalakwejo ku chakupondapo sajo* syakwe.
8 Anyakuche wawo Yehofa, ayiche kumalo gawo gakupumulila.Ayiche wawojo pampepe ni Libokosi lya Chilanga lyalikusalosya machili gawo.
9 Kwa ŵakutaga mbopesi ŵawo, ndamo jakulungamika jiŵeje mpela chakuwala chawo,Soni ŵandu ŵawo ŵakulupichika agumile mwakusangalala.
10 Ligongo lya Daudi jwakutumichila jwawo,Akamkana* jwakusagulidwa jwawo.
11 Yehofa alumbile kwa Daudi.Jwalakwe ngasalepela nditu kukwanilisya maloŵe gakwe. Jwalakwe atite:
“Jumo mwa ŵanache ŵenu,*Chinjimŵika pampando wenu waumwenye.
12 Naga ŵanache ŵenu akusunga chilanga changu,Soni yindu yangusinajiganya kuti ayikumbuchileje,Nombe ŵanache ŵawo,Chachitama pampando wenu waumwenye mpaka kalakala.”
13 Pakuŵa Yehofa amsagwile Siyoni.Jwalakwe akusachilila kuti gaŵe malo gakwe gakutama. Atite:
14 “Gelega gali malo gangu gakutama mpaka kalakala.Chindameje pelepa, pakuŵa yeleyi ni yangusaka.
15 Malo gelega chinjigapa upile wejinji pakugatendekasya kuti gakole yakulya yejinji.Chinjalisya mwakwanila ŵandu ŵakulaga ŵakutama pamaloga.
16 Ŵakutaga mbopesi ŵa pamalo gelega chinjawecha chikulupusyo.Soni ŵandu ŵakulupichika ŵakutama pamaloga chachigumila mwakusangalala.
17 Pamalo gelega chinjitendekasya kuti machili ga* Daudi gakule.
Namlinganyichisye nyali jwakusagulidwa jwangu.
18 Adani* ŵakwe chinjawecha sooni,Nambo chisoti chakwe cha umwenye chawete mumtwe mwakwe chichiŵala.”
Maloŵe Gamwiŵanda
^ Ŵane akusati “chindanda.”
^ Kapena kuti, “chitenti chekulungwa.”
^ Yikuwoneka kuti pelepa akwamba Libokosi lya Chilanga.
^ Kapena kuti, “ku chitenti chakwe chekulungwa.”
^ Ŵane akusati “makawu.”
^ Mu Chihebeli ŵatiga, “Akajigalawuchisya kumbali ngope ja.”
^ Mu Chihebeli ŵatiga, “Chimo mwa yisogosi ya m’matumbo mwenu.”
^ Mu Chihebeli ŵatiga, “msengo wa.”
^ Ŵane akusati “achimmagongo.”
