Salimo 130:1-8

  • “Panatiŵile mu yisawusyo naŵilasile wawojo”

    • ‘Yikaŵe kuti akusatamila kulola yakulemwa’ (3)

    • Yehofa akusakululuka yisyesyene (4)

    • “Ngusajembecheya Yehofa ni mtima wosope” (6)

Nyimbo jakwimba pakwela kwawula ku msinda. 130  Wawo Yehofa, panatiŵile mu yisawusyo naŵilasile wawojo.+  2  Wawo Yehofa, apikane maloŵe gangu. Ngwaŵenda kuti atejele mawiwi gawo kuti apikane kuchondelela kwangu kwakuŵenda kuti angamuchisye.  3  Yikaŵe kuti wawo Ya* akusatamila kulola yakulemwa,*Ana ŵani ŵakajimi pameso pawo, wawo Yehofa?+  4  Wawojo akusakululuka yisyesyene,+Ni chakulinga chakuti ŵandu ŵachimbichisyeje* wawojo.+  5   Mbisile chembecheyo changu mwa Yehofa. Umi wangu wosope ukumjembecheya jwalakwejo.Ngwembecheya kukwanilichikwa kwa maloŵe gakwe.  6  Ngusajembecheya Yehofa ni mtima wosope,+Kupunda yakusati alonda pakwembecheya kuti kuche,+Elo, kupunda yakusati alonda pakwembecheya kuti kuche.  7  Jemanja Ayisalayeli, mumjembecheyeje Yehofa,Pakuŵa Yehofa akusalosya chinonyelo chakwe mwakulupichika.+Soni jwalakwe akwete machili gekulungwa gakumwombolela jemanja.  8  Jwalakwe chachawombola Ayisalayeli pa yakulemwa yawo yosope.

Maloŵe Gamwiŵanda

^ “Ya” kali kasale kakata ka lina lyakuti Yehofa.
^ Kapena kuti “akusatamila kuŵalanjila yakulemwa.”
^ Mu Chihebeli ŵatiga, “ŵajogopeje.”

Copyrights for this publication