Salimo 13:1-6

  • Kusachilila chikulupusyo cha Yehofa

    • ‘Wawo Yehofa, ana mpaka chakachi?’ (1, 2)

    • Yehofa akusapeleka upile wejinji (6)

Kwa jwakulongolela nyimbo. Nyimbo ja Daudi. 13  Wawo Yehofa, ana chachindiŵalila une mpaka chakachi? Ana mpaka kalakala? Ana chachisisila une ngope jawo mpaka chakachi?+  2  Ana chinjilagasika nganisyo,Soni kulaga ni chanasa lisiku lililyose mumtima mwangu mpaka chakachi? Ana mdani* jwangu chachipitilisya kumbunda mpaka chakachi?+  3  Wawo Yehofa Mlungu jwangu, alole une soni anjanje. Awuchisye machili gangu* ni chakulinga chakuti ngawa.*  4   Atende yeleyi kuti mdani jwangu akaŵecheta kuti, “Namgomeche jwalakwejo!” Akakunda kuti ŵandu ŵakusisyana ni une asangalale ligongo lya kugwa kwangu.+  5  Nambo pakwamba ya une, ngusadalila chinonyelo chawo chakulupichika.+Mtima wangu wuchisangalala ligongo lya chikulupusyo chawo.+  6  Chinjimjimbila Yehofa ligongo jwalakwejo ambele une upile wejinji.+

Maloŵe Gamwiŵanda

^ Ŵane akusati “mmagongo.”
^ Mu Chihebeli ŵatiga, “Atendekasye kuti meso gangu gaŵale.”
^ Mu Chihebeli ŵatiga, “ngagona mu chiwa.”

Copyrights for this publication