Masalimo 129:1-8
-
Kwajimuchila nambo ngagomeka
-
Ŵakuŵengana ni Siyoni akwatesya sooni (5)
-
Nyimbo jakwimba pakwela kwawula kumsinda.
129 Kutandila ndili mnyamata adani* ŵangu aŵele ali mkunjimuchila ndaŵi syosope.
Kwende jemanja Ayisalayeli mjile kuti:
2 “Kutandila ndili mnyamata adani ŵangu aŵele ali mkunjimuchila ndaŵi syosope.Nambo alepele kungomeka.
3 Ŵane mwa jemanjajo andimile pamgongo mpela akulima mumgunda.Jemanjajo apanganyisye ngalande syawo syelewu.”
4 Nambo Yehofa ali jwachilungamo.Jwalakwe akutulenye ngonji sya ŵakusakala.
5 Wosope ŵakuŵengana ni Siyoni chachatesya sooni,Soni chachitila ali ni sooni.
6 Jemanjajo chachiŵa mpela manyasi gagamesile pamsakasa,Gele gakusanyala mkanaŵe kugachuŵa.
7 Manyasi gakwe gali gakuti nganigaŵa gagumbele mu ligasa lya mundu jwakugachuŵa,Kapena mu ligasa lya mundu jwakusonganganya yagowola ni kuyitaŵa m’matita.
8 Ŵandu ŵakupita pachachawona jemanjajo ngasiŵasalila kuti:
“Upile wakutyochela kwa Yehofa uŵe pa jemanja.Tukumsosela upile mu lina lya Yehofa.”
Maloŵe Gamwiŵanda
^ Ŵane akusati “achimmagongo.”
