Salimo 126:1-6
Nyimbo jakwimba pakwela kwawula ku msinda.
126 Yehofa paŵasongangenye ŵandu ŵa ku Siyoni+ ŵaŵaliji achikapolo ni kuwuja nawo,Twayiwonaga mpela yakulugono.
2 Pandaŵi jelejo twasechelele mnopeSoni twagumisile mwakusangalala.+
Pelepo ŵandu ŵamitundu jine ŵaŵechetaga pasikati pawo kuti:
“Yehofa ŵatendele yindu yekulungwa jemanjaji.”+
3 Yisyene, Yehofa atutendele yindu yekulungwa,+Mwamti tuli ŵakusangalala mnope.
4 Wawo Yehofa, atende yakuti ŵandu ŵetu ŵali achikapolo awuje,Mpela mwagakusawujila mesi mu sulo sya ku Negebu.*
5 Ŵandu ŵakupanda mbeju ali mkugwisya misosiChachigungula ali mkugumila mwakusangalala.
6 Mundu jwakwawula kumigundaAli ajigele msaku wa mbeju, atamose ali mkulila,Nditu, chachiwuja ali mkusangalala mnope,+Kwineku ali anyakwile matita ga tiligu.+
Maloŵe Gamwiŵanda
^ Kapena kuti “sulo syakummwela.”
