Salimo 121:1-8
Nyimbo jakwimba pakwela kwawula ku msinda.
121 Ngwesisye meso gangu ni kulola kwitumbi.+
Ana chikamuchisyo changu chichityochele kwapi?
2 Chikamuchisyo changu chikusatyochela kwa Yehofa,+juŵapanganyisye kwinani soni chilambo chapasi.
3 Jwalakwe ngasakunda kuti lusajo* lwenu lutelesye.*+
Jwele jwakusamchenjela mmwejo ngasagwesela.
4 Mlole! Jwele jwakusamchenjela Isalayelijo,+Ngasagwesela kapena kwawula kugona.
5 Yehofa ni jwakusamlolela mmwejo.
Yehofa ali m’bulili wenu+ soni jwalakwejo ali kumkono wenu wamlyo.+
6 Lyuŵa ngasilimpweteka mmwejo musi,+Kapena mwesi kumpweteka mmwejo chilo.+
7 Yehofa chachimchenjela mmwejo ku yindu yosope yakumwulasya.+
Jwalakwe chachiwuchenjela umi wenu.+
8 Yehofa chachimchenjela mmwejo pa yosope yachimtendeje*Kutandila apano mpaka kalakala.
