Masalimo 12:1-8
-
Yehofa akusajimuka ni kutendapo kandu
-
Maloŵe ga Mlungu gali geswela (6)
-
Kwa jwakulongolela nyimbo. Ajimbe nyimboji ni yakwimbila yakulila Siminiti.* Nyimbo ja Daudi.
12 Angulupusye une wawo Yehofa, pakuŵa pangali mundu jwakulupichika jwasigele.Ŵandu wosope ŵakulupichika amasile pasikati pa ŵandu.
2 Jwalijose akusaŵecheta yamabosa ni achimjakwe.Ni ngomo syakwe, akusiŵakopa soni kwalambusya ŵane.
3 Yehofa chachikata ngomo sya ŵandu wosope ŵakuŵecheta yachinyengoNambosoni malulumi ga ŵandu ŵakuŵecheta yindu yakulikwesya.
4 Ŵele ŵakusaŵecheta kuti, “Tuchipunda ligongo lya malulumi getu.
Chituŵecheteje yiliyose yatukusaka.Ana ŵani ŵampaka atulamulile?”
5 Yehofa akuŵecheta kuti, “Ligongo lya yakusawusya yakusimana nayo mundu jwakulagasika,Nambosoni ligongo lya kuwuwula kwa mundu jwakulaga,Chinjijimuka ni kutendapo kandu.
Une chinjakulupusya jemanjaji kwa wosope ŵakusiŵawona kuŵa ŵangasosekwa.”
6 Maloŵe ga Yehofa gali geswela.Gali mpela silifa jwamswejesye pa chilangali cha moto* kwa maulendo 7.
7 Wawo Yehofa, wawojotu chachalolela jemanjajo.Chachimchenjela jwalijose mwa jemanjajo ku mibado* josope mpaka kalakala.
8 Ŵandu ŵakusakala agamba kwenda mwangajogopa chilichose.Yili myoyo ligongo lyakuti ŵanache ŵa ŵandu akulimbikasya yindu yangakulupichika.
Maloŵe Gamwiŵanda
^ Alole Kugopolela kwa Maloŵe Gane.
^ Kagopolele kanesoni, “jwamswejesye mu ufuni wakutaŵidwa pasi wakunyelenyendulila yisyano.”
^ Ŵane akusati “mipago.”
