Salimo 116:1-19
116 Une ngusinamnonyela YehofaLigongo jwalakwe akusapikana maloŵe gangu gakuŵenda kuti angamuchisye.+
2 Pakuŵa jwalakwejo akusatejela liwiwi lyakwe* kuti ambikane,+Soni chinjipitilisya kumŵilanga jwalakwejo pandaŵi josope ja umi wangu.*
3 Ngonji sya chiwa syasyengenye une.Malembe gangamwile une mwamachili.+
Natengwiche ni yakusawusya soni yipwetesi yanasimanaga nayo.+
4 Nambo naŵilasile pa lina lya Yehofa.+ Natite:
“Wawo Yehofa, angulupusye!”
5 Yehofa ali jwambone mtima soni jwachilungamo.+Mlungu jwetu ali jwachanasa.+
6 Yehofa akumchenjela mundu jwangamanyilila yejinji.+
Une natitimile, nambo jwalakwe ŵangulupwisye.
7 Nguŵenda kuti umi wangu utandilesoni kuŵa pamtendele,Pakuŵa Yehofa andendele yindu mwachinonyelo.
8 Wawojo angulupwisye une ku chiwa,Alekasisye misosi jangu m’meso mwangu, soni aluŵambesye lusajo* lwangu kuti lukakuŵala.+
9 Chinjijenda pameso pa Yehofa m’chilambo cha ŵandu ŵaumi.
10 Nakwete chikulupi, myoyo naŵechete.+Nalagasiche mnope.
11 Natesile woga mnope, mwamti natite:
“Mundu jwalijose ali jwaunami.”+
12 Chinjimwuchisya chichi YehofaPa yindu yosope yambone yandendele une?
13 Chinjimwa ya m’chikapu chachikulupusyo,*Soni chinjiŵilanga pa lina lya Yehofa.
14 Chinjikwanilisya yanalumbile kwa YehofaPameso pa ŵandu ŵakwe wosope.+
15 Chiwa cha ŵandu ŵakulupichika,+Kwa Yehofa kuli kulusa kwekulungwa.*
16 Ngwaŵenda, wawo Yehofa,Pakuŵa une ndili jwakutumichila jwawo.
Une ndili jwakutumichila jwawo, mwanache jwamlume jwa kapolo jwawo jwamkongwe.
Wawojo agopwele mwaunyolo gangu.+
17 Chinjipeleka kwa wawojo mbopesi syakuyamichila.+Chinjiŵilanga pa lina lya Yehofa.
18 Chinjikwanilisya yanalumbile kwa Yehofa+Pameso pa ŵandu ŵakwe wosope,+
19 M’maluŵala ga nyumba ja Yehofa,+Pakatikati pa mmwejo Yelusalemu.
Amchimbichisye Ya!*+
