Salimo 110:1-7
Nyimbo ja Daudi.
110 Yehofa ŵasalile Ambuje ŵangu kuti:
“Mtame kumkono wangu wamlyo+Mpaka pachinjaŵika pasi adani* ŵenu kuti aŵe chakupondapo sajo* syenu.”+
2 Yehofa chachitendekasya kuti ndodo jenu jaumwenye jikayiche ku madela gane kutyochela ku Siyoni. Jwalakwe chachimsalila mmwejo kuti:
“Mjawule pasikati pa adani ŵenu kuti mkagomeche.”+
3 Ŵandu ŵenu chachilipeleka mwakusaka kwawo pa lisiku lyachimchalongolelaga asilikali ŵenu ku ngondo.*
Gulu ja ŵachinyamata, ŵali mpela mangame gakundaŵindaŵipe, jikumkamuchisya mmwejo.Jemanjaji ali ŵapadela kwa une soni ali ŵakusalala.
4 Yehofa alumbile, soni ngasachenga nganisyo syakwe* pa yalumbileyo. Alumbile kuti:
“Mmwejo mli jwakutaga mbopesi mpaka kalakala,+Mpela muŵaŵelele Melekisedeki!”+
5 Yehofa chachiŵa kumkono wenu wamlyo.+Jwalakwe chachigakasanya mamwenye pa lisiku lyachachilosya kutumbila kwakwe.+
6 Jwalakwe chachijilamula* mitundu ja ŵandu.+Chachigumbasya chilambo chapasi ni mitembo ja ŵandu.+
Chachimkasanya jwakulongolela jwa* chilambo chekulungwa.*
7 Jwalakwe* chachimwa mesi m’lusulo lwa mumbali mwa msewu.
Myoyo, jwalakwe chachijimusya mtwe wakwe mwinani.
Maloŵe Gamwiŵanda
^ Ŵane akusati “achimmagongo.”
^ Ŵane akusati “makawu.”
^ Kapena kuti “pa lisiku lyachachilikosechelesya asilikali ŵenu kuputa ngondo.”
^ Kapena kuti “soni ngasalijimba magambo.”
^ Kapena kuti “chachilamula pasikati pa.”
^ Mu Chihebeli ŵatiga, “Chachikasanya mtwe wa.”
^ Kapena kuti “chilambo chosope chapasi.”
^ Pelepa akwamba “Ambuje ŵangu” jwali mundime 1.
