Salimo 11:1-7
Kwa jwakulongolela nyimbo. Nyimbo ja Daudi.
11 Une ndilile kwa Yehofa.+
Sambano ligongo chichi jemanja mkusalila une ayi:
“Mtilile ku litumbi lyenu mpela chijuni!
2 Mlole yakutenda jwakusakala pakunga ukunje wakwe.Jemanjajo akusaŵikaga mpamba pa lukonji lwa ukunje wawo,Kuti ŵasome ni mipambajo mu chipi ŵandu ŵagoloka mtima.
3 Naga fendeshoni* jigwile,Ana mundu jwakulungama mpaka atende chichi?”
4 Yehofa ali m’nyumba jakwe jeswela.+
Mpando waumwenye wa Yehofa uli kwinani.+
Meso gakwe gakusalola chilichose, meso gakwe gakuŵala gakusalolechesya ŵanache ŵa ŵandu.+
5 Yehofa akusamlolechesya mundu jwakulungama soni mundu jwakusakala.+Jwalakwe akusaŵengana ni jwalijose jwakunonyela yachiwawa.+
6 Jwalakwe chachatega* ŵandu ŵakusakala.Moto, maganga ga sulufule+ soni mbungo jamoto, yichiŵa kapu jawo jachachipochela jemanjajo.
7 Pakuŵa Yehofa ali jwakulungama,+ jwalakwe akusanonyela yitendo yakulungama.+
Ŵandu ŵagoloka mitima chachijiwona ngope jakwe.+
