Salimo 108:1-13
Nyimbo ja Daudi.
108 Wawo Mlungu, mtima wangu ngawukutenganyika.
Chinjijimba nyimbo syakwachimbichisya wawojo ni umi wangu wosope.*+
2 Jimukani, jemanja yida yangonji yakulekanganalekangana.+
Chinjijimuka kundaŵindaŵipe kuti njimbe nyimbo.
3 Wawo Yehofa, une chinjajimbila nyimbo syakwachimbichisya wawojo pasikati pa ŵandu.Chinjijimba nyimbo syakwachimbichisya wawojo* pasikati pa mitundu ja ŵandu.
4 Pakuŵa chinonyelo chawo chakulupichika chili chekulungwa, mwamti chiyiche mpaka kwinani,+Soni kukulupichika kwawo kuyiche mpaka kwiwunde.
5 Wawo Mlungu, alosye kwinaniko kuti wawojo ali ŵakulungwa.Soni alosye uchimbichimbi wawo pachilambo chosope chapasi.+
6 Atende yeleyi kuti ŵandu ŵakusiŵanonyela akulupuche.Atukulupusye ni mkono wawo wamlyo soni anjanje.+
7 Pakuŵa Mlungu ali jwamswela,* jwalakwe aŵechete kuti:
“Une chinjisangalala kumpeleka Sekemu+ kwa jwalijose jwangusaka kuti juŵe chipanje chakwe,Nambosoni Chitiŵi* cha Sukoti+ chinjichigaŵa ni kuchipeleka kwa jwalijose jwangusaka.
8 Giliyadi+ ali jwangu, mpela mwaŵelelesoni Manase,Nambosoni Efulayimu ali chisoti cha mumtwe mwangu.*+Yuda ali ndodo jangu jakamulichisya masengo pakulamulila.+
9 Mowabu ali libeseni lyangu lyakuchapila.+
Pa Edomu chinjiponya sapato syangu.+
Chinjigumila mwakusangalala ligongo lyakumgomeka Filisitiya.”+
10 Ana ŵani ŵachachinjawusya une ku msinda wawukwete yakulichenjela?
Ana ŵani ŵachachilongolela une mpaka kuja kwika ku Edomu?+
11 Ana ngati ni wawojo Mlungu jwetu jwele atukanile?Ana ngati ni wawojo Mlungu jwetu ŵaŵalesile kujilongolela gulu ja asilikali ŵetu?+
12 Atukamuchisye mundaŵi ja yakusawusya,+Ligongo kwadalila ŵandu kuti atukulupusye nganikuŵa kwakamuchisya.+
13 Ligongo lya Mlungu tuchipata machili,+Soni jwalakwe chachapondaponda adani* ŵetu.+
Maloŵe Gamwiŵanda
^ Mu Chihebeli ŵatiga, “ni uchimbichimbi wangu wenewo.”
^ Kapena kuti “Chinjajimbila nyimbo ni yida yakwimbila.”
^ Kagopolele kanesoni, “ali kumalo gakwe geswela.”
^ Chitiŵi chakusala pelepa chaliji chana malo gekulungwa gafulati.
^ Mu Chihebeli ŵatiga, “ali chakuchenjela mtwe wangu.”
^ Ŵane akusati “achimmagongo.”
