Masalimo 101:1-8
Nyimbo ja Daudi.
101 Chinjijimba yakwamba chinonyelo chawo chakulupichika soni chilungamo chawo.
Chinjajimbila nyimbo syakwachimbichisya* wawojo, wawo Yehofa.
2 Chinjitenda yindu mwalunda soni mwangalemwesya.*
Ana wawojo chachiyika chakachi kuti angamuchisye?
Chinjijenda ni mtima wagoloka m’nyumba jangu.
3 Une ngasindola chindu chilichose changali mate.
Ngusaŵengana ni yitendo ya ŵandu ŵakusagalawuchila kwine kuleka kutenda yayili yakuŵajilwa.Ngasingunda kuti yitendo yawoyo yingwaye.
4 Une jwangaŵandikana ni mundu jwalijose jwa mtima wachinyengo.Ngusaŵengana ni* chilichose chakusakala.
5 Jwalijose jwakuŵecheta yakumjonanjila mbili mjakwe,Chinjimwugala pakamwa.*
Jwalijose jwali jwakulikwesya* soni jwakwete mtima wakunyada,Une ngasinamsechelela.
6 Ŵandu ŵa pachilambo chapasi ŵali ŵakulupichika kwa wawojo ali ŵakusosekwa kwa une.Jemanjajo chachitama ni une.
Mundu jwakwenda mwangalemwesya* chachindumichila une.
7 Mundu jwalijose jwachinyengo ngasatama m’nyumba jangu,Soni jwalijose jwaunami ngasajima pameso pangu.
8 Kundaŵi kulikose chinjawugala pakamwa* wosope ŵakutenda yakusakala,Elo, chinjawulaga ŵakusakala wosope kuti akasimanikwa mumsinda wa Yehofa.
Maloŵe Gamwiŵanda
^ Kapena kuti, “Chinjijimba nyimbo ni yida yakwimbila syakwamba.”
^ Kapena kuti, “mwagoloka.”
^ Mu Chihebeli ŵatiga, “Jwangamanyilila.”
^ Kapena kuti, “Chinjimalana najo.”
^ Mu Chihebeli ŵatiga, “jwakwete meso gakulikwesya.”
^ Kapena kuti, “mwagoloka.”
^ Kapena kuti, “chinjimalana ni.”
