Jwakulalichila 1:1-18
1 Aga gali maloŵe ga jwakulalichila* mwanache jwa Daudi mwenye jwa ku Yelusalemu.
2 “Yili yangali mate ata panandi.*” Akuti myoyo jwakulalichilajo,“Yili yangali mate nditu. Yosope yili yangali mate.”
3 Ana mundu akusapata chichi pa masengo gakwe gosope gakusawusyaGakamwile mwakulimbichila pa chilambo chapasi pano?*
4 M’bado* ukusamala soni m’bado wine ukusayika,Nambo chilambo chapasi chichitama mpaka kalakala.
5 Lyuŵa likusakopoka* soni lyuŵa likusakapila.Kaneko likusawujila mwachitemachitema kumalo kwele likusakopochelasoni.
6 Mbungo jikusapuga kwawulaga kummwela soni jikusapuga mwakusyungulila kwawulaga kumpoto.Jikusapugaga mwakusyungulasyungula. Mbungojo jikusapitilisya kupuga mwakusyungulila.
7 Sulo syosope sikusajenda ni kuja kutaga m’nyasa, nambo nyasajo jangagumbalaga.
Sulosyo sikusawujila kumalo kwasyatyochele kuti sikatandilesoni kwenda.
8 Yindu yosope yili yakupesya.Mwamti pangali jwampaka akombole kuyilondesya.
Liso lyangajikutila ni kulola.Atamose mawiwi gangajikutila ni kupikana.
9 Yindu yayapali yichipagwasoni kusogolo,Yindu yayitendekwe yichitendekwasoni.Pangali chindu chasambano pachilambo chapasi pano.*
10 Ana pana chindu chilichose champaka mundu asale kuti, “Alole achi, chili chasambano”?
Iyayi, chelecho chapali kutandila kalakala,Chapali kalakala m’weji mkanitupagwe.
11 Pangali jwakusiŵakumbuchila ŵandu ŵakalakala.Soni pangali jwakusiŵakumbuchila ŵandu ŵaŵayiche panyuma pa ŵandu ŵakalakalaŵa.Nombenawo jemanjanji ŵandu ŵakwika pasogolo pawo ngasiŵakumbuchila.
12 Une jwakulalichila mbele mwenye jwa Ayisalayeli ku Yelusalemu.
13 Une nasimichisye mumtima mwangu kuti nalijiganye soni kuti nayiwungunye mwalunda yindu yosope yayitendekwe pachilambo chapasi pano. Nawungunyisye ya masengo gakupesya gele Mlungu ŵapele ŵanache ŵa ŵandu pachilambopa kuti akamuleje.
14 Nagaweni masengo gosope gele ŵandu akusakamula pachilambo chapasi pano,*Mwamti napatile kuti yosope yili yangali mate, kugambile kuŵa kuwutusya mbungo basi.
15 Yili yangakomboleka kuchijongola chindu chachili chepotochepotoche,Soni chindu chele pangali yili yangakomboleka kuchiŵalanjila.
16 Kaneko naŵechete mumtima mwangu kuti, “Une mbatile lunda lwejinji, kupunda mundu jwalijose juŵapali ku Yelusalemu une mkanimbagwe. Mwamti mtima wangu wapatile lunda lwejinji soni kumanyilila yindu.”
17 Natesile yakomboleka kuti mtima wangu umanyilile lunda, umanyilile masoka soni kuti umanyilile uchisilu. Nambo nayiweni kuti yeleyisoni kugambile kuŵa kuwutusya mbungo basi.
18 Pakuŵa lunda palutupile yakulagasya nganisyosoni yikusatupa. Myoyo jwalijose jwakusajonjechesya kumanyilila yindu akusajonjechesyasoni yakupweteka.
Maloŵe Gamwiŵanda
^ Kapena kuti “jwakusonganganya ŵandu.”
^ Kapena kuti “Yili yangakamuchisya.”
^ Kapena kuti “pasi pa lyuŵa.”
^ Ŵane akusati “mpago.”
^ Kapena kuti “likusaŵala.”
^ Kapena kuti “pasi pa lyuŵa.”
^ Kapena kuti “pasi pa lyuŵa.”
