Chikalata Chaŵili Chakwawula kwa Timoteyo 1:1-18
1 Une Paulo, ndumetume jwa Klistu Yesu junasagulidwe mwakusaka kwa Mlungu mwakamulana ni chembecheyo chatukwete chakupata umi kupitila mwa Klistu Yesu,+
2 ngumlembela mmwejo Timoteyo, mwanangu jwapamtima.+
Nguŵenda kuti Mlungu jwali Atati soni Klistu Yesu Ambuje ŵetu amlosye mmwejo umbone mtima wekulungwa, amtendele chanasa soni ampe mtendele.
3 Ngumyamichila mnope Mlungu jwangumtendela utumiki wapadela mpela mwaŵatendele achinangolo ŵangu, soni ngutenda utumiki welewu ni mtima* weswela, wangali chakuwusisya. Ngumyamichilasoni Mlungu ligongo pangupopela mwakumchondelela chilo ni musi, ngangusaliŵalila kumpopelela mmwejo.
4 Pangukumbuchila misosi jenu, ngusaŵa jwakusachilila kumwona, ni chakulinga chakuti mbe jwakusangalala mnope.
5 Pakuŵa ngukumbuchila ya chikulupi chenu+ changali chinyengo, chachatandite kuŵa mwa anganga ŵenu a Loisi soni mama ŵenu a Yunike, changusimichisya kuti chilisoni mwa mmwejo.
6 Pa ligongo lyeleli ngumkumbusya kuti mpitilisye kuwutendekasya mtuka wa Mlungu wawuli mwa mmwejo kuti ukoleleje mpela moto. Mtuka welewu mwawupochele panamsajiche makono gangu.+
7 Pakuŵa Mlungu nganatupa msimu wakututendekasya woga,+ nambo ŵatupele msimu wakututendekasya kuti tukole machili,+ tuŵe ŵachinonyelo soni kuti tuŵe ŵaganisya chenene.
8 Myoyo mkatendaga sooni pamkutendela umboni ya Ambuje ŵetu+ kapena pamkutendela umboni ya une, jwandili kapolo ligongo lya Ambujewo. Nambo mŵe ŵakoseka kulagasidwa+ ligongo lya ngani syambone, mwakudalila machili ga Mlungu.+
9 Jwalakwe ŵatukulupwisye soni ŵatuŵilasile kuti tuŵe ŵaswela,+ ngaŵaga ligongo lya masengo getu, nambo ligongo lyakusaka kwakwe soni ligongo lya umbone mtima wakwe wekulungwa.+ Jwalakwe ŵalinganyisye yakuti chatulosye umbone mtima kupitila mwa Klistu Yesu kalakala mnope.
10 Nambo apano yeleyi yimanyiche chenene ligongo lya kuwonechela kwa Mkulupusyo jwetu Klistu Yesu,+ jwele jwamasisye chiwa,+ soni kupitila mu ngani syambone,+ jwalakwe atumanyikasyisye m’weji yampaka tutende kuti tuŵe ni umi+ soni chilu changajonasika.+
11 Ligongo lya ngani syambone syelesi uneji nasagulidwe kuŵa jwakulalichila, ndumetume soni jwakwiganya.+
12 Ni ligongo lyakwe uneji ngusimana ni yakusawusya,+ nambo ngangutenda sooni.+ Pakuŵa ngummanyilila Jwele jwangumkulupilila, soni ngukulupilila kuti chachisamalila yindu yambisile mmyala mwakwe mpaka pa lisikulyo.+
13 Mpitilisye kugasunga chenene maloŵe gasyesyene*+ gamwagapikene kwa une kuti gaŵe chisyasyo chakuti mkuyeje, soni mpitilisye kulosya chikulupi soni chinonyelo mpela mundu jwali jwakamulana ni Klistu Yesu.
14 Msunje chenene chipanje chelechi, chamwapochele kupitila mwa msimu weswela wawuli mwa m’weji.+
15 Mmwejo mkumanyilila kuti ŵandu wosope ŵa mu chigawo* cha Asiya+ andesile une. Ŵane mwa jemanjaji ali Figelo ni Helemogene.
16 Nguŵenda kuti Ambuje ŵalosye umbone ŵa m’liŵasa lya Onesifolo,+ pakuŵa jwalakwe ŵaliji mkulimbikasya une ndaŵi ni katema, soni nganatendaga sooni ligongo lya maunyolo gangu.
17 Onesifolojo paŵayiche ku Loma ŵasosilesosile une mpaka ŵasimene.
18 Nguŵenda kuti Ambuje amkamuchisye jwalakwejo kuti chapate umbone wakutyochela kwa Yehofa* pa lisikulyo. Sonitu mmwejo mkumanyilila chenene ya masengo gosope gakutumichila gaŵakamwile jwalakwejo ku Efeso.
Maloŵe Gamwiŵanda
^ Pelepa, maloŵe gatugopolele kuti “mtima” gakugopolela nganisyo syakumkumbusya mundu yambone soni yakusakala. Ŵane akusati “chikumbumtima.” Alole maloŵe gakuti “Mtima” pa mbali jakuti, Kugopolela kwa Maloŵe.
^ Kapena kuti “gambone; gakupindulisya.”
^ Ŵane akusati “província.”
^ Alole Yakumbesi A5.
