Mbili Jaŵili 27:1-9
-
Yotamu, mwenye jwa ku Yuda (1-9)
27 Yotamu+ paŵaŵaga mwenye ŵaliji ali ni yaka 25, soni ŵalamulile ku Yelusalemu kwa yaka yakwana 16. Lina lya mamagwe lyaliji Yelusa. Mamagweŵa ŵaliji mwanache jwa Sadoki.+
2 Jwalakwe ŵapitilisye kutenda yindu yambone pameso pa Yehofa mpela muŵatendele Usiya ŵaŵaliji babagwe,+ yagambile kulekangana kuti jwalakwejo nganakakamila yakwinjila m’nyumba ja Yehofa.+ Nambope, ŵandu ŵaliji mkupitilisyape kutenda yindu yakusakala.
3 Jwalakwe ŵataŵile geti jakulutando jakwinjilila ku nyumba ja Yehofa.+ Ŵatesilesoni yejinji pakutaŵa lutenje lwa ku Ofeli.+
4 Yotamu ŵataŵilesoni misinda+ mudela jamatumbi ja ku Yuda.+ Nambosoni ŵataŵile malo gakola yakulichenjela+ soni sanja+ m’malo gakulekanganalekangana ga yitela.
5 Jwalakwe ŵamenyene ngondo jakulimbana ni mwenye jwa Aamoni,+ mwamti pambesi pakwe ŵagomeche jemanjajo. Myoyo m’chaka chelecho Aamoni ŵampele jwalakwejo silifa jwakwana matalente* 100, tiligu jwakwana milingo 10,000 ja koli,* soni balele jwakwana milingo 10,000 ja koli. Aamoni ŵampelesoni jwalakwejo yindu yeleyi m’chaka chaŵili soni m’chaka chatatu.+
6 Myoyo Yotamu ŵapitilisye kukulilakulila machili, ligongo jwalakwe ŵasimichisye kwenda m’matala ga* Yehofa Mlungu jwakwe.
7 Pakwamba ya mbili jine ja Yotamu, ngondo syosope syaŵaputile soni yindu yaŵatesile, yalembedwe m’Buku ja Mamwenye ga ku Isalayeli soni ga ku Yuda.+
8 Jwalakwe paŵaŵaga mwenye ŵaliji ali ni yaka 25, soni ŵalamulile ku Yelusalemu kwa yaka yakwana 16.+
9 Panyuma pakwe Yotamu ŵawile mpela muyaŵelele ni achinangolo ŵakwe, mwamti ŵamsichile m’malembe mu Msinda wa Daudi.+ Kaneko Ahasi juŵaliji mwanache jwakwe ŵaŵele mwenye mmalo mwa jwalakwejo.+
Maloŵe Gamwiŵanda
^ Talente jimo jaŵaga jakusitopa makilogalamu 34.2. Alole Yakumbesi B14.
^ Mlingo umo wa koli waŵaga malita 220. Alole Yakumbesi B14.
^ Kapena kuti “ŵalinganyisye matala gakwe pameso pa.”
