Chikalata Chandanda Chakwawula kwa Timoteyo 2:1-15
2 Nambo chandanda nguŵenda kuti jwalijose ŵapopeleleje ŵandu ŵa mtundu uliwose. Apelecheje mapopelo gakuchondelela, mapopelo gakuŵenda, mapopelo gakwasosela ŵane yambone soni mapopelo gakuyamichila.
2 Agapopeleleje mamwenye soni ŵane ŵakwete maudindo gapenani,*+ ni chakulinga chakuti tutameje umi wamtendele soni wangali chakusokonasya, nambosoni kuti tuŵe ŵakulipeleka mnope kwa Mlungu soni kuti tuŵe ŵaganisya chenene.+
3 Yeleyi yili yambone soni yakuŵajilwa pameso pa Mlungu jwali Mkulupusyo jwetu,+
4 jwele chakulinga chakwe chili chakuti, ŵandu ŵa mtundu uliwose akulupuche+ ni kuŵa ŵakumanyilila chenene yayili yisyesyene.
5 Pakuŵa pana Mlungu jumo+ soni namangoswe jumo+ pasikati pa Mlungu ni ŵandu,+ jwali Klistu Yesu.+ Jweleju ali mundu
6 juŵalipeleche kuti aŵe mbopesi jakwanila kwawombola ŵandu wosope.*+ Yeleyi ni yachachiyitendela umboni ŵandu pandaŵi jakwe.
7 Ni ligongo lyakwe une nasagulidwe kuŵa jwakulalichila soni ndumetume+ kuti ndendele umboni yeleyi.+ Ngusala yisyene, ngangulambusya ata panandi. Nasagulidwe kuti mbe jwakwajiganya ŵandu ŵamitundu jine+ pakwamba ya chikulupi soni yindu yayili yisyesyene.
8 Myoyo ngusaka kuti kulikose achalume apitilisye kupopela ali akwesisye mwinani makono gawo gangalemwa,+ pali pangali kutumbililana+ soni kangana.+
9 Ngusakasoni kuti achakongwe alisalalisyeje ni yakuwala yakuŵajilwa.* Awaleje mwakulichimbichisya soni mwakulosya kuti ali ŵaganisya chenene. Kalisalalisye kawo kakaŵaga kakutiŵa wumbo mwakusalala mnope, kulisalalisya ni golide kapena ni ngale* kapenasoni ni yakuwala yamtengo wapenani,+
10 nambo alisalalisyeje mwakamulana ni mwakusalisalalichisya achakongwe ŵakutumichila Mlungu.+ Alisalalisyeje ni yitendo yambone.
11 Jwamkongwe atameje jii soni aŵeje jwakupikanila* mnope pandaŵi jakwiganyidwa.*+
12 Ngangwitichisya kuti jwamkongwe ajiganyeje kapena kuti amlamulileje jwamlume, nambo atameje jii.+
13 Pakuŵa Adamu ni juŵapanganyidwe chandanda, kaneko Hawa.+
14 Nambosoni, ngaŵa kuti Satana ŵamlambwisye Adamu, nambo ŵamlambwisye jwamkongwejo+ mwamti jwaŵele jwakulemwa.
15 Nambope, jwamkongwe chachiŵa jwakuteteyeka naga akwete ŵanache,+ kwineku ali mkupitilisya kukola chikulupi, chinonyelo soni kuŵa jwamswela pameso pa Mlungu nambosoni ali mkupitilisya kuŵa jwaganisya chenene.+
