Mbili Jandanda 24:1-31
24 Sambano yisukulu ya Aloni ŵayigaŵile ni kuŵa m’magulumagulu. Ŵanache ŵachalume ŵa Alonijo ŵaliji Nadabu, Abihu,+ Eliyesala soni Itamala.+
2 Nambope Nadabu ni Abihu ŵawile baba ŵawo mkanawe,+ soni jemanjaji nganakola ŵanache ŵachalume. Nambo Eliyesala+ soni Itamala ŵapitilisye kutumichila mpela ŵakutaga mbopesi.
3 Daudi ni juŵagaŵile ŵanduwo m’magulu mwakamulana ni utumiki wawo wakuti atendeje. Jwalakwe ŵatesile yeleyi pampepe ni Sadoki+ juŵaliji jwakutyochela mwa ŵanache ŵa Eliyesala, soni Ahimeleki juŵaliji jwakutyochela mwa ŵanache ŵa Itamala.
4 Pasikati pa ŵanache ŵa Eliyesala papali ŵakulongolela ŵajinji kupunda ŵakulongolela ŵaŵapali pasikati pa ŵanache ŵa Itamala. Myoyo, ŵagaŵile jemanjaji pakujigalila winji wawo. Pasikati pa ŵanache ŵa Eliyesala papali ŵakulongolela m’maŵasa gakumanyika ni mena ga achinangolo ŵawo ŵakwana 16. Pasikati pa ŵanache ŵa Itamala papali ŵakulongolela m’maŵasa gakumanyika ni mena ga achinangolo ŵawo ŵakwana 8.
5 Konjechesya pelepa, ŵatendaga kalotalota*+ pakugaŵanya utumiki ku gulu ja ŵanache ŵa Eliyesala soni ku gulu ja ŵanache ŵa Itamala. Yeleyi yaliji myoyo ligongo lyakuti mu gulu jilijose mwatyochelaga achakulungwakulungwa ŵaŵalolelaga malo geswela, soni achakulungwakulungwa ŵaŵalolelaga utumiki wakumtumichila Mlungu jusyesyene.
6 Kaneko mlembi jwa Alefi lina lyakwe Semaya mwanache jwa Netanele, ŵalembile mena ga achalume ŵeleŵa. Jwalakwe ŵatesile yeleyi pameso pa mwenye, achakulungwakulungwa ŵa ŵanduwo, jwakutaga mbopesi Sadoki,+ soni Ahimeleki+ mwanache jwa Abiyatala.+ Pelepo papalisoni ŵakulongolela m’maŵasa gakumanyika ni mena ga achinangolo ŵawo ga ŵakutaga mbopesi soni ga Alefi. Pakwasagula ŵanduwo, ŵasagulaga mwakuchenganachengana pasikati pa maŵasa gakutyochela mwa Eliyesala ni maŵasa gakutyochela mwa Itamala.
7 Kalotalota jwandanda jwagwilile pa liŵasa lya Yehoyalibu, jwaŵili jwagwilile pa liŵasa lya Yedaya,
8 jwatatu jwagwilile pa liŵasa lya Halimu, soni jwamcheche jwagwilile pa liŵasa lya Sewolimi.
9 Kalotalota jwamsano jwagwilile pa liŵasa lya Malikiya, jwa 6 jwagwilile pa liŵasa lya Miyamini,
10 jwa 7 jwagwilile pa liŵasa lya Hakosi, soni jwa 8 jwagwilile pa liŵasa lya Abiya.+
11 Kalotalota jwa 9 jwagwilile pa liŵasa lya Yesuwa, jwa 10 jwagwilile pa liŵasa lya Sekaniya,
12 jwa 11 jwagwilile pa liŵasa lya Eliyasibu, soni jwa 12 jwagwilile pa liŵasa lya Yakimu.
13 Kalotalota jwa 13 jwagwilile pa liŵasa lya Hupa, jwa 14 jwagwilile pa liŵasa Yesebabu,
14 jwa 15 jwagwilile pa liŵasa lya Biliga, soni jwa 16 jwagwilile pa liŵasa lya Imeli.
15 Kalotalota jwa 17 jwagwilile pa liŵasa lya Hesili, jwa 18 jwagwilile pa liŵasa lya Hapisesi,
16 jwa 19 jwagwilile pa liŵasa lya Petahiya, soni jwa 20 jwagwilile pa liŵasa lya Yehesikele,
17 Kalotalota jwa 21 jwagwilile pa liŵasa lya Yakini, jwa 22 jwagwilile pa liŵasa lya Gamuli,
18 jwa 23 jwagwilile pa liŵasa lya Delaya, soni kalotalota jwa 24 jwagwilile pa liŵasa lya Masiya.
19 Mwelemu ni muŵatendele pakwagaŵa kuti ayicheje kukutenda utumiki wawo+ ku nyumba ja Yehofa. Jemanjaji ŵayikaga ku nyumbajo pakujigalila dongosolo jaŵajitamilikasisye nangolo jwawo Aloni. Jwalakwe ŵatamilikasisye dongosoloji mwakamulana ni yaŵatite Yehofa Mlungu jwa Isalayeli pakumlamula.
20 * Pa ŵandu ŵa mu mbumba ja Lefi papalisoni aŵa: Pa ŵanache ŵa Amulamu+ papali Subayele.+ Pa ŵanache ŵa Subayele papali Yedeya.
21 Pa ŵanache ŵa Lehabiya+ papali Isaya juŵaliji jwakulongolela.
22 Pa yisukulu ya Isala papali Selomoti.+ Pa ŵanache ŵa Selomoti papali Yahati.
23 Pa ŵanache ŵa Hebuloni papali Yelia+ juŵaliji jwakulongolela, jwakuyichisya jwakwe jwaliji Amaliya, jwatatu Yahasiyele soni jwamcheche Yekamimu.
24 Pa ŵanache ŵa Usiyele papali Mika. Pa ŵanache ŵa Mika papali Samilu.
25 Mpwakwe Mika ŵaliji Isaya. Pa ŵanache ŵa Isaya papali Sekaliya.
26 Ŵanache ŵachalume ŵa Melali+ ŵaliji Mahili soni Musi. Pa ŵanache ŵa Yasiya papali Beno.
27 Pa yisukulu ya Melali papali Yasiya. Pa yisukulu ya Yasiya papali Beno, Sohamu, Sakuli soni Ibuli.
28 Mahili ŵaŵeleche Eliyesala, nambo Eliyesalaju nganakola ŵanache ŵachalume.+
29 Pa ŵanache ŵa Kisi papali Yelamele.
30 Mwa Musi mwatyochele Mahili, Eda soni Yelimoti.
Ŵeleŵa ni ŵaŵaliji ŵanache ŵachalume ŵa Lefi pakujigalila maŵasa gakumanyika ni mena ga achinangolo ŵawo.
31 Pakwasagula jemanjaji ŵatesilesoni kalotalota+ mpela muŵatendele achalongo achimjawo ŵali ŵanache ŵa Aloni. Ŵatesile kalotalotaju pameso pa mwenye Daudi pampepe ni Sadoki, Ahimeleki, nambosoni pameso pa ŵakulongolela m’maŵasa gakumanyika ni mena ga achinangolo ŵawo ga ŵakutaga mbopesi soni ga Alefi. Pakwamba ya maŵasa gakumanyika ni mena ga achinangolo ŵawo, pakusagula nganajigalilaga kuti jwakulongolela jwakwe ali jwamkulungwa kapena jwamwana.
