Ana Baibulo Jili Buku Jamtuli?
Ana mpaka ajile kuti jili . . .
-
buku ja lunda lwa ŵandu?
-
buku ja adisi?
-
Maloŵe ga Mlungu?
YAJIKUSASALA BAIBULO
“Malemba gosope galembedwe ni Mlungu mwakugapujila lipuje.”—2 Timoteo 3:16.
ANA KUKULUPILILA YELEYI MPAKA KUTUKAMUCHISYE CHAMTULI?
Tukusajikutila ni kajanje ka yiwusyo yakusosekwa mnope ya paumi. —Misyungu 2:1-5.
Tukusapata chikamuchisyo chakudalilichika chachikusatulongolelaga lisiku lililyose.—Masalimo 119:105.
Tukusakola chembecheyo chisyesyene cha msogolo.—Aloma 15:4.
ANA MPAKA TUKULUPILILE YAJIKUSASALA BAIBULOYI?
Elo, pamagongo gatatu aga:
-
Ngani syakwe sili syakamulana. Baibulo jalembedwe yaka yakupunda 1,600. Jalembedwe ni ŵandu ŵakulekanganalekangana ŵakwana 40. Ŵajinji mwa jemanjaji nganawoneganeje chitandilile. Nambope, Baibulo josope jili jakamulana, soni jana mtwe wekulungwa umpepe.
-
Jangalambusya pangani syakala. Ŵakulemba mbili jakala, ngakusasalaga yakugomechedwa kwa mtundu wawo. Nambo ŵakulemba Baibulo, ŵalembaga mwangasisa yakulemwecheka yawo, soni yamtundu wawo.—2 Mbili 36:15, 16; Masalimo 51:1-4.
-
Jikusalochesya yisyesyene. Kuli kusigele yaka 200, Baibulo jasasile ya konasika kwa msinda wakala wa Babulo. (Yesaya 13:17-22) Jasasile ya konasika kwa Babulo soni lina lya mundu juchachiwugomeka msindawo.—Yesaya 45:1-3.
Yakulochesya yine yejinji ya m’Baibulo yakwanilichikwe atamose ngani syakuwoneka kuŵa syamwanamwana sya mu yakulochesyayo. Ana mwelemu ngaŵa ni mwagakusosechela kuŵela Maloŵe ga Mlungu? —2 Petulo 1:21.
YATUKUSOSEKWA KUYIGANICHISYA
Ana Maloŵe ga Mlungu mpaka gatukamuchisye chamtuli?
Baibulo jikusajanga chiwusyochi pa YESAYA 48:17, 18; soni pa 2 TIMOTEO 3:16, 17.
Mwine Mpaka Ayisache Ayi
KWANGA KWA YIWUSYO YA M’BAIBULO
Ana Baibulo Jili Chichi?
Kuti yindu yajendeleje chenene paumi wawo akamulichisyeje masengo maloŵe ga Mlungu.
ESSENTIAL BIBLE TEACHINGS
Ana Mpaka Tusimichisye Chamtuli Kuti Baibulo Jikusasala Yisyesyene?
Naga Baibulo jalembedwe mwakusalilidwa ni Mlungu, nikuti jikusosekwa kuŵa jakulekangana ni mabuku gosope galembile ŵandu.
YAKWAMBA M’WEJI
Ligongo Chichi Tukusosekwa Kulijiganya Baibulo?
Baibulo jikwakamuchisya ŵandu ŵajinji pachilambo chosope kupata kwanga kwa yiwusyo yakusosekwa mnope paumi. Ana akusaka kuŵa jumo mwa ŵandu ŵelewa?
