Ulna yakat watta nawatta talah

Menu ûk yakat watta nawatta talah

Dihuba Witninis balna

mayangna

¿Mâ as pât wauhda balna witwarang pah?

¿Mâ as pât wauhda balna witwarang pah?

¿Ais kulta manh...

  • ... witwarang yah?

  • ... witwas karang yah?

  • ... nu awas manh?

 BAIBIL SUMALWI APUT

“Papang laih [...] witingna miniknawas kidika bitik uswi buhna karang, dawak daunin, kaidinin, dawak dalani bik dis karang”. (Ribilisan 21:3, 4, Papang Yulni, Sociedad Bíblica de Nicaragua.)

¿ADIKA SINSNI LÂNI KAUPAK AIS ILPNI DUMA?

Kasak kulnam sip ki matrakibil balna kidika Papangh kaupak kaiwas ki (Jims 1:13).

Walama âwarang, kât mayang pât wauhda taimni Papangh bik witing muihni yak kapat kal dakawi (Zacarías 2:8).

Tahanin as duma matakit kaiwa yakat laih pât wauhnin as bik dis karang ki (Salmos 37:9-11).

 ¿BAIBIL SUWALWA KIDIKA RAHM PAH?

Rahm ki, tannika bû pan laihta talah:

  • Papangh laih pât wauhnin dawi lâ awas balna kidika misbara talwi. Muhnilau kau Israel muihni balna yakat nisan ûk balna yaklauwi di warauwa dai taimni kat, ¿Papangh amput kal dakana yah? Baibil yulwi “witingna yakat ditataihwak kaidi sararahwa” dai bahang, Witing kulnin yakat dalani duna ki ti (Jueces 2:18).

    Papangh wak talwi muih ûk kau dutni yamwa muihni kidika. Talna as, Baibil yulwi “tingnina kau muih dutni yayamwas balna yakat ihiwa [muihni] kidika” dutni palni talwi ti (Proverbios 6:16, 17).

  • Papangh laih muih as bani kau mai kulwi. Dihuba mawalaki âwi matrakibil balna bitik kidika witing tingni yakat dana atnin, kât witing mayang mayulki “kulwi kalbauwi” (1 Pita 5:7).

    Papangh witing Kingni lâni duaiwarang munah mayang as bani pât wauhda kidika disyamwarang ki (Matyu 6:9, 10). Kidika pasmunah, Papangh dalani lâni karuk walanina âwi wais kat witing yakat kulnin pihni karuk kal walwa kidika (Apastil balna warknina 17:27; 2 Kurint 1:3, 4).

 KULTA TALAH

¿Ais yulni Papangh mayang pât wauhnin mai dana yah?

Baibil nangnit lawa kalaih ROMAN 5:12 dawi 2 PITA 3:9.