Ulna yakat watta nawatta talah

Menu ûk yakat watta nawatta talah

Dihuba Witninis balna

mayangna

¿Amput pamilia pasyakat alasna atnin sip yah?

¿Amput pamilia pasyakat alasna atnin sip yah?

¿Ais nit kulta manh...

  • ... dalani lâni?

  • ... lalah?

  • ... di ûk nit yah?

 BAIBIL SUMALWI APUT

“¡Angdika muihni balna Papangh yulwakat dakawi yayamwa balna kidika laih baisa alasna isningnalak ki!” (Luk 11:28, Papang Yulni, Sociedad Bíblica de Nicaragua.)

¿ADIKA SINSNI LÂNI KAUPAK AIS ILPNI DUMA?

Dalani lâni aihwa walta yakma ki (Efesus 5:28, 29).

Biri biri rispik lâni dutanama ki (Efesus 5:33).

Kulnin aslah karak awanama ki (Mark 10:6-9).

 ¿BAIBIL SUWALWA KIDIKA RAHM PAH?

Rahm ki, tannika bû pan laihta talah:

  • Papangh yaklauwi pamilia balna yamna. Baibil yulwi Papangh yaklauwi muih al dawak muih yal yamwi marit yakna (Génesis 2:18-24). Yuldarang kat, pamilia balna kai kalahna, kât Dihuba yaklauwi yamwi dana bahang. ¿Adika ais tanka yah?

    Kulta talah: Man plun auhni as kasta sak man kat, dawak amput lahwi yamna amanglanin want man kat, ¿wais yak yulta dakama yah? Di lahna muihni yakat, ¿rahm awas yah?

    Sihm kapat, amput pamilia alasna as dunin sip pa amanglanin want man kat, pamilia balna yamna muihni yakat walnam ki. Kidika laih Dihuba.

  • Papangh mai kulwi. Man pamilmia karak Papangh sumalna balna Baibil yak walta mana kat, rahm sins duyang awanama ki. ¿Ais yulni? Kât witing laih “manna yulmana kulwi kalbauwi” bahang (1 Pita 5:6, 7). Dihuba laih mayang yamni atnin kidika want ki, dawi witing sinsni lâni balna bitik kidika dauh kalahwas ki ban ilp mai munwi (Proverbios 3:5, 6; Isaías 48:17, 18).

 KULTA TALAH

¿Amput sip yah marit al, marit yal, awaskat di almuk yamni as atnin?

Baibil nangnit lawa kalaih EFESUS 5:1, 2 dawi COLOSAS 3:18-21.