Ulna yakat watta nawatta talah

Menu ûk yakat watta nawatta talah

Dihuba Witninis balna

mayangna

Want Awamayah Ramh Kidika Nu Atnam?

Want Awamayah Ramh Kidika Nu Atnam?

Angdika ramhniyah? Yulwi dakana kau tanit yayamni muih balna nu kalnin wawalwa kidika yulni. Man palni bik alas kal yulta dakana man pa, adika:

  • Papangh kidika mayang mayulki kulwi kalbauwih?
  • Mâ as wâr kalbaunin dawi pât wauhnin kidika dis karangyah?
  • Mayang daudakat, ais mai kalahwih?
  • Muih dadauna balna kidika tahanin as duduwih?
  • Amput mamikit yulninyah Papangh mai dakana atnin?
  • Amput alasna atnin sipyah?

Angkat nangnit lana balna adika walta yakmayah? Buk mahni bang kidika lâih mai yakwarang ki ti, kaunah, samtaim, buk as buk ûk niningkauh yulwi. Buk as balna nangnit lana mayawa kidika, minit tang laih yamni kapat ki, kaunah, tihn dawakat, yus dis kakalwi.

Waralaih, buk as nangnit lana ramh balna kidika mayawi, kidika laih, ramh bukni kidika ki, Disas Papangh yak minit yulna aput: “Man yulma balna kidika kuduh ramh.” (Jan 17:17) Warmâni taimni yak kidika yulni balna ayangni laih Baibil. Dinit akat, yul parahni kau namangkaki ki, ampat Baibil kidika lâih mai yakwi, minit yakat, yulwi dakana balna bang yakaupak.

Papangh kidika mayang mayulki kulwi kalbauwih?

Muih al as kidika muih mahni pasyakat

AIS YULNI ADI YULWI DAKAWIH? Sau akat bang mayang adika, dutni dawi lâ awas lani karak bungh ki. Suts mahni sumamalwi, pât wauhda mayang kidika Papangh kulnin lani atwi.

BAIBIL SUMALWA KIDIKA: Papangh dutni as bik yamwas ki. Job 34:10 yulwi: “Kulnin bik awas ki, Papangh parasni nuhni bitik duwa kidika dutni yamwi, kidika awasbik lâ awas yamwas!” Papangh dalani mai talwa bahang, di yaksihni as yamnin kulwi mayang mayulki. Kidi yulnikat, Disas mai sumalna mamikit yulnin, aput: “Mayang ma Papanghki kisang kau sak man kidika […]man king âwa man[…]kaiwang. Man kulnam lani kidika sau akat yamtah, kisang yakat yamta man kaput.”(Matyu 6:9, 10) Papangh mayang mayulki uba kulwi kalbauwa bahang, sakripais nuhni as yamna, witing yamnin kulwa kidika kai kalahna atnin.—Jan 3:16

Tiks balna adika bik yulta talah Genesis 1:26-28; Jims 1:13; dawi 1 Pita 5:6, 7.

Mâ as wâr kalbaunin dawi pat wauhnin dis karangyah?

War kalbauyang balna

AIS YULNI ADI YULWI DAKAWIH? Wâr kalbaunin yakat nining muih mahni dadauwi. Muih mayang bitik dalani wauhdi.

BAIBIL SUMALWA KIDIKA: Papangh yaklauwi sau bitik yakat kulnin aslah lani duainin pramis munwi. Papangh sau minit yakat king kawarang taimni yakat, “muih balna kidika isninaparah kidika sau sahnin dini yayamna karang” [dawi] “war kalbaunin bik sumalnin-awas karang.” (Isaías 2:4) Kaput bik, Papangh kidika lâ awas lani dawi pât wauhnin lani dis mukwarang ki. Baibil mai yulwi: “[Papangh yaklauwi] witingna miniknawas kidika bitik uswi buhna karang, dawak, daunin, kaidinin, dawak dalani bik dis karang, kat muhni lau kau di balna duwa dai kidika [lâ awas lani dawi pât wauhnin lani kidi bik] dis dana bahang.”—Ribilisan 21:3, 4

Tiks balna adika bik yulta talah Salmo 37:10, 11; 46:9; dawi Miqueas 4:1-4.

Mayang daudakat, ais mai kalahwih?

Sau û kidika

AIS YULNI ADI YULWI DAKAWIH? Suts mahni kauh sumamalwi, mayang daudakat, masangkika dauwas, ban likki atwi. As as kat yuyulwi, muih dadauna balna kidika sangka balna yak dutni yayamwi atwi, kidi awaskat, Papangh muih dudutni balna yak ban kal makunna atnin, kuh yak rumhwi.

BAIBIL SUMALWA KIDIKA: Mayang daudakat, di dis kaldi. Eclesiastés 9:10 yulwi: “[muih dadauna balna kidika] kulnin dini as bik diski, amanglanin, dawak sins tuhni bik diski.” Di as bik amanglalawas ki, kal dakakawas ki, di yayamwas ki, kidi yulnikat sangka balna yak dutni yayamwas ki, ilp munnin bik sip awas ki.—Salmo 146:3, 4

Tiks balna adika bik yulta talah Génesis 3:19; dawi Eclesiastés 9:6, 10

Muih dadauna balna kidika tahanin as duduwih?

Muih bin as kaidi wanaihni as dauna yulni

AIS YULNI ADI YULWI DAKAWIH? Mayang bitik sangka atnin, dawi, ma wanaihki balna karak alasna atnin want ki. Kidika bahang, ma wanaihki dadauna balna yak wat ditalkih mayawi.

BAIBIL SUMALWA KIDIKA: Muih dadauna mahni kauh watwi sangka kakalwarang ki. Disas pramis munna kapat: “Dauna muihni balna […] witing dinit yulwa kidika dakakawarang ki dawak sau-û kaupak kalalahwarang.”(Jan 5:28, 29) Sarâ mâni kau Papangh kulwa dai kapat, sau akat yaklalauwarang muihni balna kidika paradais yaksihni as kau bang atnin sansni kidika duduwarang ki. (Luk 4:23) Yaka taimni yak, Papangh yak kasak kulyang balna, siknis as bik dis, sangka ban atnin lani yak alasna duduwarang ki. Baibil yulwi: “Muih ahal yayamni balna kidika laih sau kidika witingna dinina duduna karang dawak kidika yakat witingna laih nining ban kaput yalalahna karang.”—Salmo 37:29

Tiks balna adika bik yulta talah Job 14:14, 15; Luk 7:11-17; dawi Apastil balna warknina 24:15

Amput mamikit yulninyah Papangh mai dakana atnin?

Muih al as minit yulwa sakki

AIS YULNI ADI YULWI DAKAWIH? Suts bitik kauh muih balna minitna yuyulwi. Kaunah, witingna kal yuyulwak Papangh dakawas kukulwi.

BAIBIL SUMALWA KIDIKA: Disas yulna, mamikit yuldakat, sihm yulni balna kidika Papangh yak kal yulnin awas ki. Disas aput yulna: “Mamat yulta man yakat, Papangh yakat yul dauh balna kidika lamwi yulwinih.” (Matyu 6:7) Papangh mai dakanin want mayangkat, witing mai pakwa kapat mamikit yulnin ki. Kidi yulnikat, witing kulnin lani, lan kaldi dawi yakarak mamikit yulnin ki. Kât 1 Jan 5:14 mai yulwi: “Witing kulnin lani kat di yulda kidika laih mai dakawa bahang.”

Tiks balna adika bik yulta talah Salmo 65:2; Jan 14:6, 14; dawi 1 Jan 3:22.

Amput alasna atnin sipyah?

Muih yal as Baibil yulwi talwi alasna yaknin yulni

AIS YULNI ADI YULWI DAKAWIH? Muih mahni kidika, lalah, ayangni nuhni dunin kidika, yamni bin atnin kidika, alasna diyamwarang kukulwi, Kidi yulnikat wawalwi. Kaunah ramh alasna awas ki.

BAIBIL SUMALWA KIDIKA: Disas amput alasna yaknin kidika sumalna, aput: “[Alasna palni ki] angdika muihni balna amanglalawa kidika spiritnina dukih diawakat.”(Matyu 5:3) Papangh wais ramhni kidika, dawi mayang mayulki kulwa kidika nu malahwarang laihtakat, ramh alasna mawarang ki. Kidika ramhni laih Baibil yak sakki, dawi amanglanin kidika ilp mai munnin sipki di yamni dawi di yamni awas kidika laˆih talna atnin. Dadak Baibil sinsni lani yaklauwi mai dukiwang, ma isinglak atnin yulni.—Luk 11:28

Tiks balna adika bik yulta talah Proverbios 3:5, 6, 13-18; dawi 1 Timoti 6:9, 10.

Akat laih yulwi dakana 6 manah Baibil karak nangmat lanayangna. Baisa nu kalnam want manh? “Spiritnina dukih diawa” balna pasyakat sak mankat, baisa nu kalnam want awama ki. Adi balna bik yulta dakama pa: Papangh mayang mayulki kulwi kalbauwakat, ais yulni dutni dawi pat wauhnin kidika baisa dis mukwasyah? Kidi awaskat, amput ma ûki pasyak baisa alasna atnin sipyah? Adika yulwi dakawa balna, dawi ûk balna bik Baibil yaklauwi lâih nangnit lawi.

Kaunah muih mahni kidika Baibil laihwi talnin want awas ki. Uba tuhni dawi amanglanin bik uba dadasni tatalwi. Ilp dunin want awamayah Baibil nangnit lana mayawa kidika amanglana atnam? Kidi yulnikat Dihuba witninis yulyang balna kidika di bu mawarang ki.

Pas laih, wauhtaya as ki Alasna awah sau akat ban atnin! ulwi yakna sakki, Baibil nangnit lana lâih balna laihwi talna atnin, uba wark mahni duma bik. As laih, ûma yak Baibil klasni minit dis as ki. Dihuba witninis yulyang ridi as alasna, ûma yak, kidi awaskat, pâ ûk yak kiunin sipki, sandi pasyak taim bulah Baibil tannika man karak yulbauna atnin, pramis dis. Sau bitik yakat muih mahni ilp duduna, Baibil klasni balna kaupak, witingna bik alasna kal dakakana, kât di ramh kidika yayakna bahang!

Di ramh amanglanin kidika di minit balna karak sip libitwas ki, kât kulnin dauh balna, tunan balakna, yamadunin kaupak prî mai yakwi, dawi ma sangkika yak tahanin as, dawi alasna bik mayawi. Disas palni yulna: “Di ramh kidika amanglatanama, dawak ramh kidika yaklauwi manalaihwi yakwarang.”—Jan 8:32.

1. Muih al as lan kalwa sakki Baibil sumalwa kidika; 2. Muih yal as lan kalwa sakki Baibil sumalwa kidika