Ulna yakat watta nawatta talah

Menu ûk yakat watta nawatta talah

Dihuba Witninis balna

mayangna

¿Papangh King Kawa lâni kidika ais tanka yah?

¿Papangh King Kawa lâni kidika ais tanka yah?

¿Ais kulta manh...

  • ... daudi mawarang pâni yah?

  • ... yul malni as yah?

  • ... kisang kau kabamint as yah?

 BAIBIL SUMALWI APUT

“Papang kisang kau sak kidika yaklauwi king as âwarang [...] nisan as bik sip daukalwas karang.” (Daniel 2:44, Papang Yulni, Sociedad Bíblica de Nicaragua.)

“Papang yaklauwi muihbin al as mayana, bahang witing yakat parasni kalana king kana atnin.” (Isaías 9:6.)

¿ADIKA SINSNI LÂNI KAUPAK AIS ILPNI DUMA?

  • Kabamint kasak akaupak ilp mai munna karang mamuihki kat kat (Isaías 48:17, 18).

  • Sau wisamni kaiwa yakat laih siknis balna dis, maisinglak karang ki (Ribilisan 21:3, 4).

 ¿BAIBIL SUWALWA KIDIKA RAHM PAH?

Rahm ki, tannika bû pan laihta talah:

  • Papangh King Kawa lâni di yamwarang balna kidika Disas nining kana. Witing disainipil balna yakat minit yulnin disumalna aput: “Man king âwaman kidika kaiwang [...] man kulnam lâni kidika sau akat yamtah” (Matyu 6:9, 10). Yulni adika amput kai kalahwarang kidika nining kana.

    Sau akat lik dai taimni kat Disas yuh dadauna balna yakat dibayahna, sikninanis kaupak diyamna, muih dadauna bik dulauna (Matyu 15:29-38; Jan 11:38-44). Papangh yaklauwi Disas yak king kalyamwarang dai. Kidika bahang, witing muihni balna yakat blisin yaksisihni balna Disas niningkana (Ribilisan 11:15).

  • Sau aiska yakat ais kalahwa balna manikingkawi Papangh King Kawa lâni kainin ulis ki. Papangh King Kawa lâni kulnin aslah lâni duaiwarang ki sau akat. Kaunah adika yamwas tanit kauh Disas yulna war kalbaunin, yuh wauhnin dawi sau isihnin kidika kalahwarang dai (Matyu 24:3, 7).

    Trabil balna yulna pat kalahwa bahang, kasak kulnin sip ki Papangh King Kawa lâni yaklauwi matrakibil balna sirihni palni barangni yamwarang ki.

 KULTA TALAH

¿Papangh King Kawa lâni tingni dinit yakat amput mawarang yah?

Baibil nangnit lawa kalaih SALMOS 37:29 dawi ISAÍAS 65:21-23.