Ulna yakat watta nawatta talah

Dihuba Witninis balna

Tuni yulni as dunin mayangna

¿Muih dadauna balna wat yaklauwarang pah?

¿Muih dadauna balna wat yaklauwarang pah?

¿Ais kulta manh...

  • ... yaklauwarang yah?

  • ... yaklauwas karang yah?

  • ... nu awas manh?

 BAIBIL SUMALWI APUT

“Dauna kaupak watwi dulauwarang.” (Apastil balna warknina 24:15, Papang Yulni, Sociedad Bíblica de Nicaragua.)

¿ADIKA SINSNI LÂNI KAUPAK AIS ILPNI DUMA?

Wanaihma as dauwa yakat walani ânin duma (2 Kurint 1:3, 4).

Daunin kidika uba yama dutas awama ki (Hibru 2:15).

Wanaihma dadauna balna wat kalpakma kidika rahm kasak kulma (Jan 5:28, 29).

 ¿BAIBIL SUWALWA KIDIKA RAHM PAH?

Rahm ki, tannika bâs pan laihta talah:

  • Papangh sangnika balna bitik yamna. Baibil yulwi “sangka atnin saran kidika” Dihuba yak sak ki ti (Salmos 36:9; Apastil balna warknina 17:24, 25). Witing sangnika bitik yamna bahang, muih dadauna balna yakat watwi nawattwi sangnika kalanin parasni duwi.

  • Papangh muhnilau kau muih dadauna buas pat dulauna. Baibil yulwi muih 8 dauna kaupak yaklalauwakat watwi sau yak yalalahna. Yayal dawi ahal dai, muih bararak, kaput bik muih binina dai. Buas kidika didulauna taimni wisam dadauna dai, kaunah muih al as laih dauna kidika mâ arungka dana dai (Jan 11:39-44).

  • Papangh muih dadauna balna dulaukuh ti. Dihuba daunin kidika misbara talwi, sihm witing waihnila kapat (1 Kurint 15:26). Witing waihnila adika daukalpamnin ‘dukih kalawi’. Dadauna balna yaklalauwarang taimni Papangh daunin yakat minit bayakna karang. Muih dadauna mahni Dihuba kulnin yakat bang ki. Adi balna yaklalauwakat watwi sau akat yalahninna Papangh talkih kalawi (Job 14:14, 15, Traducción del Nuevo Mundo).

 KULTA TALAH

¿Ais yulni muih barak malahwi daudih?

Baibil nangnit lawa kalaih GÉNESIS 3:17-19 dawi ROMAN 5:12 yak sak ki.