GƆLƆI KWA TII KƐ LA A GƐƐ KU ŊALA-KƆLƆI ŊAA LƐ NUA DIAI
Kɛ-ɣeniɛ Ŋaa-nɛ̃ɛ Kula Wɔlɔ-wɔlɔ da Wɔlɔ-wɔlɔ!
Kwa kɛ Ŋala-kɔlɔi maa kɔrii gie ma, ya pai mare-kɛɛ-ŋai ŋi sukulai kɔlɔnii:
Pere sii kɛɛ leŋ ɓe ŋa pɔri lii-nɛ̃ɛ sɔlɔ ɓoi la ŋakɛ-ɣeniɛi su?
I laai la mɔlɛ-laa da ŋwana-lɔɔ mɛni-ŋa da pai wɔlɔ kpɛɛi?
Ŋawɛli-kɛ-maa ɓelai nyii-ŋai daa saai da pai dimu siɣei saa yeei dikɛ ŋɔnɔ ɣele ma?
Ɣala kpaaŋɔɔi mɛni ma?
Ŋa pɔri ɣala fɛlii leŋ a pere sii nyii pa gɛi a gɛɛ e ŋoo mɛnii?
Gaa Kpɛni-kpɛni
Ŋala-kɔlɔi maa kɔriɛ gie ma a pai kɛi kpɛni-kpɛni. Da pai Kɛ-ɣeniɛ Ŋaa-nɛ̃ɛ Kula Wɔlɔ-wɔlɔ Da Wɔlɔ-wɔlɔ! Kɔlɔi da Ŋala-kɔlɔi tɔnɔ tɛɛi ipɔ a kɛ ya ŋwɛlii a da. Gelee kaa kpɛni-kpɛni.
Tãi Da Ɓɛi Nɛlɛɛi Imɛni Mai
Ziova Ŋɔsere-faa Kɛ-ɓelai tɔnɔ a pai Ŋala-kɔlɔi ŋaa lɛi ya a tãi da ɓɛi nɛlɛɛi imɛni mai.
Ve Ya Kpa
A kɛ ife ŋɔnɔ ŋwɛlii a gɛɛ ka Ŋala-kɔlɔi maa kɔri gie ma, ya pɔri gberai a tãi ya ŋwɛlii—ve ya a kpa.
Berei Kwa Ŋala-kɔlɔi Maa-kɔriɛ Kɛ La Gie Mai
Ziova Ŋɔsere-faa Kɛ-ɓelai tɔnɔ a pai kpɔŋ maa tɛɛi ipɔ a gɛɛ I mɛni-ŋuŋ-ŋai kaa nyii Ŋala-kɔlɔi a nɛ tɛitɛi. Ka kɛ Ŋala-kɔlɔi maa kɔrii gie ma Kɛ-ɣeniɛ Ŋaa-nɛ̃ɛ Kula Wɔlɔ-wɔlɔ Da Wɔlɔ-wɔlɔ! Kɔlɔi su, ya pai Ŋala-kɔlɔi ŋɔtɔ̃ya-ŋuŋ-ŋai kaai da berei a pɔri kpɔŋ maa tɛɛi la ipɔi. Ya kɛ ŋwɛlii a gɛɛ I mɛni tamaa maa kɔri e pilaŋ mɛni-ŋuŋ ŋi ma ye viloi ŋi su kaa, kpaa ye mare-kɛɛ-ŋai nua da gɛ a tãi tamaai e pilaŋ Ŋala-kɔlɔi maa kɔriɛ mai kaa.
Ya ŋwɛlii I mɛni-ŋai taŋa kaa nyii gaa gɔlɔi ŋi sui?
Ye zɛŋ-lɛɛi-ŋai maa-ŋuŋ kaa nyii gaa gɔlɔi ŋi sui.
Ya ŋwɛlii I gɔɔ pilaŋ?
Ye luaŋ gwara pere a gɛɛ I tãi lɛ ya pai ŋwɛlii ka pɛlɛ Ŋala-kɔlɔi maa kɔrii la gie mai.