Lí zu-pere

Lí m̀ɛni-ŋuŋ-ŋai ma

Ziova Ŋɔsêre-faa Kɛ́-ɓelai

Zîi-wooi siɣe ya ŋwɛ̂lii Kpelle

 ZƐŊ LƐƐI 8

Zaai Yîsɛ È Gɛ́i, Lé Ɓé A Pɔri Gɛi Ímɛni Mai?

Zaai Yîsɛ È Gɛ́i, Lé Ɓé A Pɔri Gɛi Ímɛni Mai?

Yîsɛ è saa à gɛ́ɛ kú wɔlɔ-wɔlɔ fúlu-laa sɔlɔ-ɓó. Zɔ̂ŋ 3:16

Ŋele-kuui zaaɓa pôlu ma, tãi Yîsɛ e saa lai, nɛni tani-ŋa di li molôŋ la, kɛ́lɛ dife Yîsɛ puma káa ní molôŋ su. Maa tãi tí ma, Ziova aâ nâa Yîsɛ mu-siɣe saa yeei.

Nàa pôlu ma Yîsɛ è pîlaŋ ŋɔsia-ɓelai ŋɛi.

Tɔ̃yâ ma, Ziova è Yîsɛ mu-siɣe saa yeei é gɛ̀ ŋɔ́nɔ a mɔ̂leŋ màa-pɔlɔ-pɔlɔ, wala-wala, nyii va ŋɔ́nɔ saai. Yîsɛ ŋɔpôlu-ɓelai di gaa gɛ̀ tɛ́ ɣâla-taa.

 Ɣâla è Yîsɛ mu-siɣe saa yeei é gɛ à Kâloŋ Ŋɔkâloŋ-laai su. Danîa 7:13, 14

Yîsɛ e ŋɔfúlu-laai tɛɛ à núu-kpune maa-tee-sɛŋ. (Maafîu 20:28) Yîsɛ ŋɔfúlu-laa ŋãai sarai, Ɣâla a pai gɛi kú kɛ́ ɣeniɛ wɔlɔ-wɔlɔ da wɔlɔ-wɔlɔ.

Ziova e Yîsɛ kɛ́ a Kâloŋ nɔii mɛi. Yîsɛ yée-mu kâloŋ-ŋai da pai kɛi a tɔ̃yâ núu wala ŋuŋ tɔnɔ pôlu wala buu naaŋ kao naaŋ [144,000], nyii ŋai Ziova a pai dikulai nɔii mai é ditɛ ɣâla-taa. Yîsɛ da núu wala ŋuŋ tɔnɔ pôlu wala buu naaŋ kao naaŋ [144,000], da pai kɛi Ŋâla-taa kâloŋlaa mɛi—Ɣâlae Ŋɔkâloŋ-laai.M̀ɛni-lɛɛi 14:1-3.

Ɣâla Ŋɔkâloŋ-laai a pai nɔii kɛi a paredai. Kɔ́, mɛni nyɔ́mɔɔ kɛ́ɛ, kolo-laa da puru dife ŋɔ́nɔ pai kɛi nɔii ma. Lii nɛ̃ɛ a pai kɛi nɔii gwaa kélee.Ŋule-wooi 145:16.