Lí zu-pere

Lí m̀ɛni-ŋuŋ-ŋai ma

Ziova Ŋɔsêre-faa Kɛ́-ɓelai

Zîi-wooi siɣe ya ŋwɛ̂lii Kpelle

 ZƐŊ LƐƐI 13

Le Ɓé Kwa Pɔri Gɛ́i À Gɛ́ɛ Kú Ɣâla Líi Laa?

Le Ɓé Kwa Pɔri Gɛ́i À Gɛ́ɛ Kú Ɣâla Líi Laa?

Mɛni nyɔ́mɔɔ kɛɛ kpɔara. 1 Kɔleŋtiɛŋ 6:9, 10

À kɛ́ kú Ziova wɛ́li ni, kúfe pái níi wana mɛni kɛ́i.

Ziova fe ŋwɛ̂lii kúkɛ́ a ŋuma-ɓela, kpaa máŋ lɔɔya kpele-ɓela, kpaa máŋ sikalêe kpele-ɓela da taâŋ tɛ-ɓela.

Ɣâla fe wɛ́li ni a núu-paa, koo karaa, kpaa máŋ sinâa dikɛ dikie-ni kɛ́ a dinɛyaa da nɛyaa dikɛ dikie-ni kɛ́ a disinâa. Ziova fe ŋwɛ̂lii à gɛ́ɛ kúkɛ́ a sɛŋ-wɛ́li ɓala, kpaa máŋ sɛŋ maa-lii tee ɓela da namu-kɔ́ ɓela.

Kúfe kɛ́ a ɣâla pɔɔkɔ̂ɔŋ fɛli ɓela, kpaa máŋ tɛli-kpɛ ɓela da wúlu-kɛ́ ɓela.

Paredai lɔii ninai pá pâi ma, mɛni nyɔ́mɔɔ kɛ ɓela dife pai kɛi naa.

 Ye mɛni lɛ́lɛɛ kɛ. Maafîu 7:12

À gɛ́ɛ kú Ɣâla líi láa, fɛ̂ɛ nɔ́ kú kɔ́ kú tûa yɛ̂ɛ ǹyaa.

Kwa wɛ́li-kɛ-maa lɛ́ kúɓarâŋ dia à nɛ̀ a gɛ́ɛ kúkoi lɛ́lɛɛi kwa, kú yée laa ɓóɔ.

Kɛ́ a teniŋ-ɓo nùu.

Maloŋ-kaa da su-mɛni-lɛɛ è kɛ́ iyéei.

Ziova maa mɛni da dûa-pere ɓó iɓarâŋ-ŋai dia.Azaya 43:10.