IZIO MA NISY NAMÔRON̈O?
Fahaizan’ny Selily Asanany An̈atin’ny Vatan̈an’olombelon̈o
Tamin’ny atsika vo nifôron̈o tan-kibo tao, mbala selily araiky fo, aviô izio tsy hita izikoa tsy amy mikrôskopy. Fa izikoa fa afaka fanjava maromaro, selily io manjary tsaiky. Izio baka mahaimaro fo ke mamôron̈o selily mandilatran’ny 200, aviô irô io samy amy formanany, habezany ndreky samy amin’ny asany.
Diniha baka ty: Selily araiky mirasa aroe, aviô mitovy fo ADN ndrô io. Samy man̈ano karaha zen̈y impirimpiry irô selily aby io tsiaraikiaraiky. Amy voanalohany mitovy aby irô selily jiaby io. Ke ADN amy selily tsiaraikiaraiky ahitan̈a fan̈azavan̈a ilain̈a baka han̈amboaran̈a karazan̈a selily jiaby.
Herin̈iandra afaran’ny niforon̈an’ny selily araiky in̈y, irô selily aby io mizara ho karazany aroe. Manjary tsaiky, karazan̈a selily voanalohany io, fa araiky faharoe ndraiky manjary tavôny ndreky raha ilain’ny tsaiky io baka hampitombo izy.
Afaka telo herin̈iandra selily araiky manjary tsaiky io lôso sôsony telo. Irô selily amy sôsony ambelan̈a io manjary betro, vava, hoditry ndreky selily hafa. Fa irô selily an̈ivo ndraiky manjary lio, taolan̈a, voa, hozatra, aviô raha hafa. Irô selily ten̈a an̈aty amy zay manjary raha an̈aty kibo karaha ataon’ny havokavoko, tran̈on’ny amany ndreky ankabiazan’ny fitaovan̈a fandravan̈an’ny vatan̈a hanin̈y.
Izikoa efa mitombo zaza an̈aty kibo, mahaimaro fo selily amin’ny ain̈inany ke man̈amia karazan’ny selily mandeha 200
An̈atin’ny fotoan̈a jiaby hidaohan’ny tsaiky io ankibo ao, irô selily aby tsiaraikiaraiky na selily maromaro mifindra amy faritry sasany amin’ny ain̈in’ny tsaiky io. Fa selily sasany ndraiky mitambatambatra ke mifôron̈o forma izan-karazany, ohatra karaha lamba matify in̈y, karaha tady na pôso. Matoa misy raha karaha zen̈y, tsy maintsy miara-miasa tsara irô selily aby io. Misy fotoan̈a ohatra irô selily karaha lamba matify io lôso miolonkolon̈o ke lôso karaha tiôn-drano madiniky in̈y. Mitovy fo fotoan̈a isian’ny raha zen̈y amy vatan̈an’ny tsaiky. Mahailava fo irô tiô aby io baka iô ke misampasampan̈a ndreky mifampiditry. Ke vita amy zay lalan-dio jiaby.
Koa fa teraka amy zay tsaiky io, misy selily mandeha an-jatony tapitrisa amin’ny ain̈inany. Irô efa samy amy formanany ndreky efa amy plasy tôkony ho hisy izy, aviô raha aby zen̈y tamy fotoan̈a mety tsara.
Akôry hevitrinao? Navinavy hoazy karaha io fo ma fahaizan’ny selily asanany an̈atin’ny vatan̈an’olombelon̈o? Sa izio nisy namôron̈o?
Mety ho Tianao Koa
IZIO MA NISY NAMORON̈O?
Fahaizan’ny Vatan̈a Mitatitry Oksizainy—Izio ma Nisy Namôron̈o?
Zahava karakôry ataon’ny vatan̈anao mangala, mitondra ndreky mampiasa oksizainy.
FAMPIANARAN̈A FOTOTRO AMY BAIBOLY
Karakory Nampisy Raha Jiaby?
Matetiky fitantarany Baiboly momba famoron̈ana io tsy azonolo na angano foeky fiheveranolo izy. Azo inoan̈a ma raha volan̈iny Baiboly momba famoron̈ana?
RAHA MOMBA ZAHAY
Mangataka Vangian̈a
Miaraha mandiniky fan̈ontanian̈a amy Baiboly aminay, na mianara raha maromaro momba Vavolombelon̈o Jehovah.