Fampiasan̈a Raha Momba Anao: Argentine
Lahatsoratra ty han̈azava fomba hazahoan’ny Vavolombelon̈o Jehovah fan̈azavan̈a momba mpitory ndreky nan̈ino irô mangala fan̈azavan̈a aby zen̈y. Koran̈iny tsara ao fa mpitory tsiaraikiaraiky manan̈a zo hamaritry fomba tiandrô ampiasan̈a fan̈azavan̈a momba irô. Volan̈a “anao” na “ninao” koran̈iny ato ivolan̈ana olo an̈atin’ny fiangonan̈an’ny Vavolombelon̈o Jehovah , na mpitory vita batisa izy na tsendriky. a Raha momba irô ampiasain’ny Vavolombelon̈o Jehovah amy raha mikasiky fivavahan̈andrô.
Eran-tany asa ataon’ny Vavolombelon̈o Jehovah. Amy lahatsoratra ty, volan̈a “Fikambanan̈a Ara-pivavahan̈a,” “nintsika,” na “atsika,” ivolan̈ana fikambanan̈an’ny Vavolombelon̈o Jehovah eran-tany. Tafiditry amy zen̈y fiangonan̈a an-toeran̈a iô, birôn’ny sampan̈a amy tany araiky, ndreky fikambanan̈a isan-karazany ampiasain’ny Vavolombelon̈o Jehovah. Araiky na maromaro amy raha aby koran̈intsika zen̈y man̈ajary ndreky mampiasa raha momba anao, mifan̈araka amy raha ifandraisanarô aminay. Fikambanan̈a Ara-pivavahan̈an’ ny Vavolombelon̈o Jehovah miandraikitry raha momba mpitory amy fiangonan̈an’ny Vavolombelon̈o Jehovah an Argentine.
Boky Voalamina mba Hanao ny Sitrapon’i Jehovah mivolan̈a fa zahay mangala fan̈azavan̈a momba anao, anao koa fa lôso mpitory. Akôry hazahoanay izy? Zahay man̈ontany anao na baka amy fan̈azavan̈a aboakan’ny fanjakan̈a, na baka amin’olo hafa, amy zen̈y anao afaka man̈ano raha isan-karazany mifandray amy fanompoam-pivavahan̈a ndreky afaka mahazo fan̈ampian̈a ara-pan̈ahy.—1 Petera 5:2
Izikoa anao misy fan̈ontanian̈a mikasiky fampiasan̈a raha momba anao, na tihifandray amy birô miandraikitry fan̈ajarisan̈a raha momba olo amy toeran̈a misy anao, azafady mandifasa e-mail amin’ny adiresy ty:
Ho hitanao ambany io sôsoko fan̈azavan̈a amy fampiasan̈a raha momba anao.
Fan̈azavan̈a alainay amy raha momba anao
Ankamarozan’ny fan̈azavan̈a momba anao namezanao zahay an-tsitrapô. Izy in̈y baka iô ajarisinay aviô ampiasainay amy raha atao mifandray amy fanompoam-pivavahan̈an’ny Vavolombelon̈o Jehovah. Ke matetiky hitanao tsara fomba ampiasainay raha momba anao najarisinay. Ty aby raha tafiditry amy raha momba anao io:
Raha momba anao amin’ny ankapobeny: Karaha ataony an̈aran̈anao, daty nitirahanao, lelahy anao sa man̈angy
Adiresy: An̈isan’izen̈y adiresinao amy posty, adiresy e-mail, nimerôn’ny telefony, ndreky olo mety kahian̈a izikoa misy raha tampoko mahazo anao
Fan̈azavan̈a momba raha ara-pan̈ahy: An̈isan’izen̈y datin’ny batisanao, “voahôsotro” anao sa “ôndrikôndriky hafa”, andraikitry jiaby anan̈anao amy fiangonan̈a misy anao na amy fandaminan̈a, raha momba fanompoan̈a ataonao, andraikitrinao amin’ny ara-pan̈ahy, ndreky daty mikasiky raha momba andraikitrinao, aviô fan̈azavan̈a momba fahasalaman̈anao amin’ny ara-pan̈ahy.
Misy amy raha momba anao ajarisinay sokajìn̈y manokan̈a (catégorie spéciale de données). Tafiditry an̈atin’izen̈y karazan̈anao ndreky raha inoanao aviô raha hafa.
Tanjon̈o ndreky antony ara-dalàn̈a ampiasainay raha momba anao
Lan̈iany raha momba anao ten̈a ilainay fo ny alainay. Mifan̈araka tsara amy lalàn̈a fomba ampiasainay izy.
Hangatahanay aminao raha momba anao, anao koa fa lôso mpitory. Ampiasainay irô io izikoa mifan̈araka amy tanjon̈onay man̈araka. Ankoatran’izen̈y fiangonan̈a misy anao nan̈amia anao raha finoanao momba Fampahafantaran̈a Ndreky Fan̈ikian̈a amy Fampiasan̈a Raha Momba Zaho, amy zen̈y anao afaka man̈ano fifan̈ikian̈a an-tsoratra. Izikoa tsy hikenao fampiasan̈a raha momba anao, Vavolombelon̈o Jehovah tsy afaka ampiasa anao amin’ny andraikitry an̈ivon’ny fiangonan̈a na asa hafa mifandray amy fanompoan̈a.
Zahay mangala ndreky mampiasa raha momba anao amy fomba ara-dalàn̈a. Ampiasain̈y izio amin’ny asa ataon’ny Vavolombelon̈o Jehovah amy zen̈y anao afaka mandray anjara amy izio ndreky mahazo fan̈ampian̈a ara-pan̈ahy. Izikoa zahay mangala fan̈azavan̈a manokan̈a momba anao, karaha ataon’ny finoan̈anao, zahay mitandrin̈y tsarabe baka tsy hampisy problemo anao aviô tsy ambarambaranay olo hafa tsy manan̈a zo amy raha zen̈y foeky. Alohan’ny zahay hampiasa raha momba anao, dinihinay antsendriky ino vokatran’izen̈y aminao ndreky zonao.
Mety ampiasainay amy raha ara-dalàn̈a tadiavin’ny fanjakan̈a koa raha momba anao mijary aminay. Izikoa misy raha tampoko miboaka, mety ampiasainay koa izio hiarovan̈a na ikarakaran̈a anao na olo hafa.
Tablô ambany io man̈aboaka fomba ampiasainay fan̈azavan̈a momba anao ndreky lalàn̈a man̈amia lalan̈a zahay hampiasa izio. Izikoa anao mila tsipirian’ny fan̈azavan̈a momba zen̈y, azafady manorata amy birô mikarakara fiarovan̈a raha momba anao amin’ny adiresy an̈abo arỳ.
Raha ilan̈a izy/Ampiasain̈a amy |
Karazan̈a raha momba anao |
Fahazahoan-dalan̈a baka amy fanjakan̈a |
Raha ajarisin̈y |
|---|---|---|---|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Zahay tsy man̈ajary raha momba olo ela eraka fotoan̈a ilanay izy izikoa tsy nohon’ny antony voakoran̈a amy “tanjon̈o ndreky antony ara-dalàn̈a ampiasainay raha momba anao” an̈abo arỳ.
Akôry ahaizanay fotoan̈a mety hitananay raha momba anao? Zahay mandiniky raha takin’ny fanjakan̈a, hamarozan’ny fan̈azavan̈a mila ajarisinay, antony an̈anaovanay izy, aviô sokajin’ny raha momba olo io, raha mety hahazo zahay izikoa mampiasa na man̈aboaka raha momba olo araiky izikoa tsy mahazo lalan̈a baka aminany. Dinihinay koa ino antony hampiasainay raha momba anao io ndreky fomba hafa mety hatakaranay tanjon̈o aby io.
Matetiky, miovaova arakaraka tany ndreky fitondrasan̈a halavasan’ny fotoan̈a mety an̈ajarisan̈a raha momba olo. Ke ataonay mifan̈araka amy zen̈y fomba an̈anaovanay izy. Mety tanan̈a elaela koa izio izikoa lalàn̈a man̈iraka hitanan̈a izio han̈atantirahan̈a raha tôkony ataonay, na hiarovan̈a zonay.
Amy fotoan̈a sasany, karaha ataon’ny lera misy fikarohan̈a atao na amy raha momba isa, zahay tsy man̈aboaka raha momba anao (tsy ampifandraisinay aminao foeky raha momba izio). Izikoa misy raha zen̈y, zahay afaka mampiasa fan̈azavan̈a momba anao amy fotoan̈a tsisy fetrany sady tsy mila mangataka lalan̈a aminao.
Izikoa anao tihahazo sôsoko fan̈azavan̈a momba fotoan̈a an̈ajarisanay raha momba anao, azafady manorata amy birô mikarakara fiarovan̈a raha momba olo amin’ny adiresy an̈abo arỳ.
Famindran̈a fan̈azavan̈a amy raha momba anao
Vavolombelon̈o Jehovah man̈ano asa eran-tany. Ke zahay tsy maintsy nifidy toeran̈a araiky an̈anaovan̈a raha sasany, karaha ataony fikarakaran̈a raha momba informatiky ampiasain’ny fikambanan̈a isan-karazany ampiasain’ny Vavolombelon̈o Jehovah. Ke misy fan̈azavan̈a sasany mety ho hitan’ny fikambanan̈a aby io, izikoa raha zen̈y ilain̈a han̈atantirahan̈a tanjon̈o koran̈in’ny boky Voalamina mba Hanao ny Sitrapon’i Jehovah. Ohatra iziô, izikoa anao mifindra fiangonan̈a, alefa amy fiangonan̈anao vaovao raha momba anao (amin’ny akapobeny, nimerôn’ny telefony ndreky raha momba ara-pan̈ahinao). Misy fotoan̈a, birôn’ny sampan̈an’ny Vavolombelon̈o Jehovah amy toeran̈a araiky mety mampiasa fan̈azavan̈a momba anao amy zen̈y anao afaka mandray anjara amy raha atao amy fiangonan̈anao vaovao ndreky ho marin̈y tsara raha an̈atin’ny dôsien’ny fiangonan̈a. Midika koa zen̈y fa raha momba anao mety hafindra amy firenena hafa tsy mitovy amy lalàn̈a mifehy fiarovan̈a raha momba olo an̈atin’ny Firenenan’ny Argentine na amy firenena tsy manan̈a lalàn̈a manokan̈a momba fiarovan̈a fan̈azavan̈a momba olo.
Mifen̈y mare zahay mitandrin̈y amy fiarovan̈a ndreky man̈araka lalàn̈a tsarabe koa fa mamindra fan̈azavan̈a momba anao baka amy fiangonan̈a araiky mandeha amin’ny araiky hafa. Zahay koa fa mangala fan̈azavan̈a momba anao an̈atin’ny faritrin’ny firenena Argentine ke handefa raha zen̈y ivelan’ny Argentine, fan̈azavan̈a io tsy alefanay izikoa
tsy amy firenena araiky man̈aja eraka ny antoniny fiarovan̈a raha momba olo; ndreky/na
tsy man̈araka lalàn̈a mahafa-pô firenena Argentine amy fiarovan̈a raha momba olo koa fa mamindra zen̈y amin’olo hampiasa izio na amy tômpin’ny andraikitry fikarakaran̈a izio ivelan’ny Argentine. Tafiditry amy zen̈y koa fan̈ajan̈a fifan̈arahan̈a momba clauses contractuelles types iken’ny fitondrasan̈a Argentine miandraikitry fiarovan̈a raha momba olo; ndreky/na
anao tsy man̈amia lalan̈a.
Fiarovan̈a raha momba anao
Zahay miaro sekiren’ny fan̈azavan̈a momba anao ndreky lan̈iany raha hainay momba anao an̈atiny zahay man̈ano asanay isan-karazany. Vitsy fo olo afaka mahita fan̈azavan̈a aby io sady maro fitsipiky ndreky lamin̈y natao hiarovan̈a raha aby io tsy ho very na hampiasain’olo amy fomba ratsy, na hiboely.
Misy tekniky ndreky lamin̈y nataonay baka fiarovan̈a raha momba anao hifan̈araka tsarabe amy raha mety miboaka. Dinihinay koa depansy, antony ilan̈a izy, habezan’ny asa mila atao mifandray aminany, fomba ndreky antony an̈anaovan̈a izy, raha mety hiboaka amy fan̈anaovan̈a raha zen̈y, habezan’ny sazy mety ho azo, aviô zo ndreky vokatran’izio amin’olo voakasiky. Tafiditry amy zen̈y koa raha aby ty:
Man̈ara-maso, miaro fan̈azavan̈a tsy hiboely, mangala antoko tsara olo afaka mahita izy.
Fiarovan̈a fifandraisan̈a ndreky asa atao aminany.
Fampiasan̈a sarin’an̈aran̈a (pseudonymes), man̈asitriky an̈aran̈a, man̈asitriky fan̈azavan̈a jiaby momba anao.
Mandiniky asa mahômby sa tsy mahômby tekniky ndreky lamin̈y natao iarovan̈a asa atao aminany.
Alainay antoko tsarabe fa lan̈ian’olo mitana na afaka mahita fan̈azavan̈a momba anao, na maharitry zen̈y na tsindraikindraiky, na olo miasa amin’izio samby mahazo fampiofan̈ana ndreky mahay zondrô ndreky andraikintrindrô mikasiky izio.
Fan̈aboahan̈a raha momba anao
Mety misy fotoan̈a zahay mizara raha momba anao izikoa:
raha ataonay io mifan̈araka tsara amy tanjon̈o koran̈iny amy fizaran̈a “Tanjon̈o ndreky antony ara-dalàn̈a ampiasainay raha momba anao.” Mety mizara raha momba anao an̈atin’ny Fikambanan̈a Ara-pivavahan̈a isan-karazany ampiasainay koa zahay;
zen̈y takin’ny lalàn̈a;
raha zen̈y ilain̈a iarovan̈a zontsika, ain̈intsika ndreky fanan̈anantsika;
raha zen̈y ilain̈a amy fan̈arahan̈a lalàn̈a, na irahin’ny fitsaran̈a, na adidy takin’ny lalàn̈a, na koa fangatahan̈a mivantan̈a ataon’ny manampahifan̈a; na
zahay efa nahazo lalan̈a mazava tamy tômpiny.
Ty raha telo afaka mahita raha momba anao:
Fanjakan̈a mpan̈ara-maso raha momba izio
Tribinaly, pôlisy, zandaro ndreky maramila, na raha miramiran̈a amy zen̈y
Olo karamain̈y han̈ampy amy raha sasany
Zonao amy raha mikasiky fan̈azavan̈a momba anao
Lalàn̈a amy toeran̈a misy anao mety man̈amia anao zo sasany amy fan̈azavan̈a momba anao tananay. Ty aby raha mety tafiditry amy zen̈y:
Zonao hahay raha ampiasan̈a raha momba anao. Anao manan̈a zo hahay raha ampiasainay ndreky olo hizarainay fan̈azavan̈a momba anao.
Zonao afaka mahita raha momba anao. Anao manan̈a zo hahazo fan̈amarihan̈a, zahay koa fa mampiasa raha momba anao baka iô anao manan̈a zo hahita raha zen̈y.
Zonao han̈itsy fan̈azavan̈a momba anao. Anao manan̈a zo han̈itsy na han̈ova fan̈azavan̈a jiaby momba anao, karaha ataony nimerôn’ny telefony na adiresin’olo kahian̈a izikoa misy raha tampoko mahazo anao.
Zonao hamafa raha sasany. “Droit à l’oubli” koa ikahian̈a izio. Ndray zen̈y, izio fo tsy man̈amia anao zo feno hamafa tanteraka raha jiaby momba anao. Dinihinay mifan̈araka amy lalàn̈a misy fangatahan̈a jiaby azonay.
Zonao han̈afoan̈a fan̈amezan-dalan̈a namezanao. Izikoa fan̈amezan-dalan̈a namezanao arehanay koa fa mampiasa fan̈azavan̈a momba anao, anao manan̈a zo han̈afoan̈a fan̈amezan-dalan̈a io amy fotoan̈a jiaby. Amin’ny ankapobeny, misy lalàn̈a hafa arehanay zahay koa fa mampiasa fan̈azavan̈a momba anao, ke zahay tsy voatery man̈araka raha nisoratanao.
Zonao hanakan̈a fampiasan̈a fan̈azavan̈a momba anao amy raha sasany. Mety ampiharin̈y zonao io izikoa ty raha misy: Hitanao tsy marin̈y fan̈azavan̈a sasany momba anao ke tsy ikenao, tsy ikenao fomba ampiasan̈a izy, tsy mifan̈araka amy lalàn̈a fomba ampiasainay izy ke anao manapa-kevitry hanakan̈a fampiasan̈a izy fa tsy hamafa izio, na koa izikoa zahay efa tsy mila fan̈azavan̈a momba anao eky fa anao mangataka raha io ajarisin̈y han̈atantirahan̈a ndreky hiarovan̈a zonao amy fikarakaran̈a raha momba izio.
Zonao amy famindran̈a raha momba anao. Tsy mihatra zo araiky io izikoa tsy raha anao tsy man̈eky ampiasan̈a raha momba anao izikoa tsy mifan̈araka amy fan̈amezan-dalan̈a manokan̈a nataonao, na izikoa raha momba anao io ampiasain̈a an̈atantirahan̈a fifan̈arahan̈a mandeha ôtomatiky.
Zonao tsy han̈eky hampiasan̈a raha momba anao amy raha sasany. Anao manan̈a zo tsy han̈eky fomba ampiasainay raha momba anao amy raha ara-dalan̈a ilànay izy.
Izikoa anao tihampiasa araiky amy zonao aby io, manorata amy birô mikarakara fiarovan̈a raha momba anao amin’ny adiresy an̈abo arỳ.
Mety mila man̈amia fan̈azavan̈a manokan̈a momba anao anao, misy ahaizan̈a fa anao afaka mahita raha momba anao (na zonao hampiasa zonao aby io.) Natao fomba fiarovan̈a ty, amy zen̈y azo antoko tsarabe fa fan̈azavan̈a momba anao tsy ho hitan’olo tsy nahazo lalan̈a hahazo izy. Zahay mety hikaiky na hanoratra aminao hangataka sôsoko fan̈azavan̈a amy raha angatahinao, amy zen̈y fangatahan̈anao halaky hivaly.
Izikoa hitanao misy tsy mazava aminao fomba fampiasan’ny Vavolombelon̈o Jehovah lalàn̈a amy fiarovan̈a raha momba anao na taridalan̈a hafa ampiasainay, anao afaka manoratra amy birô mikarakara fiarovan̈a raha momba anao amin’ny adiresy an̈abo arỳ. Birô mikarakara fiarovan̈a fan̈azavan̈a momba anao handiniky fangatahan̈anao ndreky han̈ambara aminao raha tôkony hatao afaran’izen̈y. Tsy zen̈y fo, anao manan̈a zo hitarain̈y amy tômpin’andraikitrin’ny fiarovan̈a raha momba olo amy toeran̈a misy anao, na amy toeran̈a hafa hitanao tsy man̈aja fiarovan̈a raha momba anao, na koa hitory amy tribinaly miandraikitry zen̈y.
Raha nivoan̈a tato
Misy fotoan̈a miova fomba fitantan̈anan’ny Vavolombelon̈o Jehovah raha momba olo mikajy amindrô, ampiasain̈a amy raha momba fivavahan̈andrô, an̈anaovan̈a raha mifan̈araka amy lalàn̈a na amy fivoaran’ny teknôlôzỳ. Aboakanay amy lahatsoratra ty ato raha nivoan̈a amy fan̈azavan̈a fampiasan̈a raha momba anao isaka misy raha nivoanay aminany ty. Amy zen̈y mpitory jiaby samby mahay ino aby raha momba izy mikajy aminay aty ndreky fomba ampiasainay izy. Ke azafady, zahava matetitetiky lahatsoratra ty misy ahaizanao ino aby fan̈ovoan̈a nataonay mikasiky izity.
a Kahian̈a mpitory lan̈iany olo mitory vaovao tsaran’ny Fanjakan̈an’ny Zan̈ahary miaraka amy fiangonan̈an’ny Vavolombelon̈o Jehovah.