გიშაგორილი მასალაშა გინულა

დამატებითი მენიუშა გინულა

იეჰოვაშ მოწმეეფი

მარგალური

მუნერ მომავალს ველუთ?

მუნერ მომავალს ველუთ?

ჩქინ ცხოვრება:

  • თაშ გეგრძელებნო?

  • გეუარესებნო?

  • გეუჯგუშებნო?

 ბიბლიას ჭარუ:

„ღორონთი . . . მაშორენს თინეფს ირნერ ჩილამურს თოლეფშე, ვეჸი ღურა, ვართ გლოვა, თვალუა დო ჭუა, თიშენ ნამდა იფრელ ჯვეშიქ ულირს ჩებარუ“ (გამოცხადება 21:3, 4).

ბიბლია მოპირნა: •

აზრით ეფშა დო სასიამოვნო სამუშას (ესაია 65:21—23).

ცხოვრებას ლახალა დო წვალებაშ გარეშე (ესაია 25:8; 33:24).

ბედნერ დო მარადიულ ცხოვრებას ჩქინ ოჯახი დო მეგობრეფწკუმა ართო (ფსალმუნი 37:11, 29).

 ბჯერდანიო ბიბლიაშ?

ნამდვილო ქო, თეშ არძაშ უნაკლებაშ ჟირ მიზეზი არსებენს:

  • ღორონთის შეულებუ მუშ დაპირებაშ შესრულება. ღორონთის უსაზღვრო ძალა უღუ, ათეშენ ბიბლია ხვალე ღორონთის უწოდენს ყოვლისშემძლეს (გამოცხადება 15:3). ათეშგურშენ თის შეულებუ შეასრულას მუშ დუნაპირეფი — დოთირუას დო გაუჯგუშას მსოფლიო. ბიბლიას ინოჭარუ: „ღორონთშო იფრელ შესაძლებელ რე“ (მათე 19:26).

  • ღორონთის უღუ სურვილი, შეასრულას მუშ დუნაპირეფი. მაგალთო, ღორონთის დიდ სურვილი უღუ, დურთინუას სიცოცხლე ღურელფს, თინეფ ონატრუნ თიშენ (იობი 14:14, 15).

    ბიბლიას თინა ხოლო ჭარუ, ნამდა ღორონთიშ სქუა, იესო, ოსკილიდუანდ ლეხეფს. მუშენ ორთუდუ თეს? მუშენდა მთელ შური დო გურით ოკოდუ თინეფიშ მოხვარა (მარკოზი 1:40, 41). იესო მუმაშ თვისებეფს სრულყოფილო ირეკლენდუ დო მუშ მუმაცალო გაჭირებულ ხალხიშ ელმარინე რდუ (იოანე 14:9).

    შემლებნა დარწმუნებულ ვორდათ, ნამდა ღორონთი დო იესოს დიდ სურვილ უღნა, დემეხმარან, ჯგირ მომავალქ ქუმაშუანი (ფსალმუნი 72:12—14; 145:16; 2 პეტრე 3:9).

 დეფიქრით

მუჭო დოთირანს დო გაუჯგუშენს ღორონთი მსოფლიოს?

თე კითხვას ათე ბიბლიურ მუხლეფი პასუხენს: მათე 6:9, 10 დო დანიელი 2:44.