გიშაგორილი მასალაშა გინულა

სარჩევშა გინულა

 გაკვეთილ 13

მუ მელუ რელიგიეფს?

მუ მელუ რელიგიეფს?

1. არძანერი რელიგია მოწონსო ღორონთის?

არძა რელიგიას რე გურმართალი ხალხი. სახიოლო ამბე თინა რე, ნამდა ღორონთი ორწყე თეცალი ხალხის დო ზრუნეს თინეფშო. მარა სამწუხაროთ, ბრელი გლახა იკეთებაფუაფუ რელიგაშ სახელით. (2 კორინთელები 4:3, 4; 11:13—15). საინფორიაციო საშუალებეფშე ბგებულენთ, ნამდა ნამთინე რელიგია ტერორიზმიშ, გენოციდიშ, ჩხუპი დო პედოფილიაშ მონაწილე რე. თენა ნამდვილო აწუხენს თინეფს, მიდგას შური დო გურით წანს ღორონთი. წეკითხით მათეშ 24:3—5, 11, 12.

ჭეშმარიტი რელიგია განადიდენს ღორონთის, ცრუ რელიგია გურს ელაჭუანს თის. ცრუ რელიგია ღორონთიშ დო ღურელეფიშ მდგომარეობაშ გურშენი ბიბლიას ვენოჭარუნ ფერს ოგურუანს. იეჰოვას სურვილი უღუ, ნამდა ხალხის სიმართლე უჩქუდას მუში გურშენი. წეკითხით ეზეკიელიშ 18:4; 1 ტიმოთეშ 2:3—5.

2. მუ მომავალი მელუ რელიგიეფს?

ღორონთი ვაღორებე თი ადამიანეფს, მით იჩიებუ, ნამდა წანს ღორონთი, მარა სინამდვილეს სატანაშ ქიანა უჸორს (იაკობი 4:4). ბიბლია არძა ცრუ რელიგიას „დიდი ბაბილონო“ მიშინუანს. ნოეშ წარღვნაშ უკული არსებენდუ ჯვეშიშჯვეში ქალაქი ბაბილონი, ზუსტას თექ დეარსუ დო თევრეშე მოურს ცრუ რელიგია. მალას ღორონთი განადგურენს არძა რელიგიას, ნამუთ აღორენს დო ჩაგრენს ხალხის. თენა ბრელშო მოულოდნელი იჸუაფუ. წეკითხით გამოცხადებაშ 17:1, 2, 5, 16, 17; 18:8.

მარა არსებენს უმოსი მნიშმნელოვანი ამბე ხოლო. იეჰოვა ვეჭყოლიდუანს თი გურმართალი ხალხის, ნამუთ ოკათუ ცრუ რელიგიეფს. თინა აერთიანენს თე ხალხის დო სიმართლეს ოგურუანს. წეკითხით მიქაშ 4:2, 5.

 3. მუჭო ოკო მიქცუანი გურმართალი ხალხიქ?

ჭეშმარიტი რელიგია აერთიანენს ადამიანეფს

იეჰოვა ზრუნენს თი ხალხშო, მიდგას უჸორს ჭეშმარიტება დო სიკეთე. ღორონთი აფრთხილინს თინეფს, ნამდა ქიდიტუან ცრუ რელიგია. ღორონთიშ მოჸოროფე ადამიანეფი მზათ რენა მუნეფიშ ცხოვრება დოთირუან. წეკითხით გამოცხადებაშ 18:4.

პირველი საუკუნეს სუფთა გურიშ ადამიანეფქ მირჩქილეს მოციქულეფშე სახიოლო ამბე დო ხიოლით მიღეს თინა. თინეფქ ახალი, ბედნერი დო აზრით ეფშა შარას ქიგედირთეს. პირველი საუკუნეშ ქრისტიანეფქ ჯგირი მაგალითი დომტეს, მუშენდა მუნეფიშ ცხოვრებას პირველი ადგილს იეჰოვა გიორინეს. წეკითხით 1 თესალონიკელეფიშ 1:8, 9; 2:13.

იეჰოვა დიდი ხიოლით ღებულენს მუში დიდ ოჯახშა არძას, მიდგა ცრუ რელიგიას მიოტენს. თე შურდოგურით მოწვევას ქიმიღენთდა, იეჰოვაშ მეგობარი დო თიშ მორწმუნე დო მოჸოროფე ოჯახიშ წევრი იჸუაფუთ; დო ბოლოს, იეჰოვაშე მარადიული სიცოცხლეს მიღენთ. წეკითხით მარკოზიშ 10:29, 30; 2  კორინთელეფიშ 6:17, 18.

4. მუჭო მუღანს ღორონთი არძას ბედნიერებას?

მართალო სახიოლო რე, ნამდა ცრუ რელიგია მალას ვეჸუაფუ. თენა დიდი შვებას მუღანს ხალხის. ცრუ რელიგიას ვაგართე ხალხი დო ვემშაჸონინე შეცდომაშა. არძა ადამიანი ხვალე ართი ჭეშმარიტი ღორონთის ცენდასიი თაყვანს. წეკითხით გამოცხადებაშ 18:20, 21; 21:3, 4.