გიშაგორილი მასალაშა გინულა

დამატებითი მენიუშა გინულა

სარჩევშა გინულა

იეჰოვაშ მოწმეეფი

მარგალური

სახიოლო ამბე ღორონთიშე!

 გაკვეთილ 14

მუ მელუ რელიგიეფს?

მუ მელუ რელიგიეფს?

1. მუშენი ეირჩუ ღორონთიქ ჯვეშო ისრაელეფი მუში ხალხო?

ღორონთიქ აბრაამიშ შთამომავლეფშე შექმნუ ერი დო მეჩუ კანონეფი. თიქ „ისრაელი“ გიოდუ თის, დო ჭეშმარიტი თაყვანიშცემაშ დო მუში სიტყვაშ დამცველო დარინუ (ფსალმუნი 147:19, 20). არძა ეროვნებაშ ხალხიქ ისრაელიშ მეშვეობით ოკო იხვამუკო. წეკითხით დაბადებაშ 22:18.

ღორონთიქ ეირჩუ ისრაელეფი მუში მოწმეთ. ისრაელეფიშ ისტორიაშე რჩქუ ნამდა, მუჟამს თინეფი იცვენდეს ღორონთიშ კანონეფს, ირიათო ხვამილი რდეს (კანონი 4:6). თაში ნამდა, ისრაელიშ მეშვეობით არძა ერს უღუდუ საშუალება, გაუგებუდკო ღორონთიშ შესახებ ჭეშმარიტება. წეკითხით ესაიაშ 43:10, 12.

2. მუშენი რენა ჭეშმარიტი ქრისტიანეფი ორგანიზებული?

დრო-ჟამიშ მუკულაშ უკული ისრაელეფქ მიოდინეს ღორონთიშ მოწონება დო ღორონთიქ თე ერი ქრისტიანული კრებათ დოთირუ (მათე 21:43; 23:37, 38). ამდღა ისრაელეფიშ მანგიორო ღორონთის ჭეშმარიტი ქრისტიანეფი — იეჰოვაშ მოწმეეფი ომსახურნა. წეკითხით საქმეეფიშ 15:14, 17.

იესოქ უხელმძღვანელუ ქადაგებაშ საქმეს, მუში მოწაფეეფს არძა ქიანას უქადაგებუდესკონ თიშენი (მათე 10:7, 11; 24:14; 28:19, 20). თე საქმე მალას კულმინაციაშა მეურს. იეჰოვაშ თაყვანიშმცემლეფიშ რიცხვი მილიონეფშა რე მეჭირინაფილი. თეცალი მუთუნი ვაშუ ისტორიას (გამოცხადება 7:9, 10). იეჰოვაშ მოწმეეფი ორგანიზებულო ოხვარუნა დო ამხნევენა შხვეფს. თინეფი მთელი მსოფლიოს ბიბლიაშ ოგურაფალი ართი დო იგივე პროგრამას მეჸუნა. წეკითხით ებრაელეფიშ 10:24, 25.

 3. სოვრეშე იჭყაფუ იეჰოვაშ მოწმეეფიშ თანამედროვე ისტორია?

1870-იან წანეფშე ბიბლიაშ მკვლევარეფიშ ჭიჭე ჯგუფიქ, ბრელი ხანიშ წოხოლე გოჭყოლადირი ჭეშმარიტებაშ გორუა ქიდიჭყ. თინეფს უჩქუდეს, ნამდა ქრისტექ იდუდ ქადაგებაშ საქმე დო ათეშგურშენი წიმიჭყეს სამეფოშ ქადაგება მთელი მსოფლიოს. 1931 წანაშე თინეფს იეჰოვაშ მოწმეეფი ჯოხონა. წეკითხით საქმეეფიშ 1:8; 2:1, 4; 5:42.

4. მუჭო რენა იეჰოვაშ მოწმეეფი ორგანიზებული?

პირველი საუკუნეს შხვადოშხვა ქიანაშ კრებეფს დუდენდუ ხელმძღვანელი საბჭო, ნამუთ კრებაშ დუდო იესოს აღიარენდუ (საქმეები 16:4, 5). თე რიგო, იეჰოვაშ მოწმეეფიშ მსოფლიო საქმიანობას გამოცდილი უხუცესეფშე აკონწყილი ხელმძღვანელი საბჭო დუდენს. თე ჯგუფი ხელმძღვანელენს იეჰოვაშ მოწმეეფიშ ფილიალეფს, სოდე ბიბლიაშ ოგურაფალო დამხმარე პუბლიკთციეფი 600-შე მეტი ნინაშა ითარგმნუ, იბეჭდუ დო ინაწილებუ. თე გვარო, ხელმძღვანელი საბჭოს შეულებუ უხელმძღვანელას, სულიერო გამხნევას დო გამანგარას მსოფლიოს არსებული 100000-შე მეტი კრება. კრებეფს გამოცდილი დო შესაფერისი ქომოლკოჩეფი მსახურენა უხუცესებო ანუ ზედამხედველებო. თინეფი ჸოროფათ ზრუნენა ღორონთიშ ოჭყიშალშე. წეკითხით 1 პეტრეშ 5:2, 3.

იეჰოვაშ მოწმეეფი ორგანიზებას უწიენა სახიოლო ამბეშ ქადაგებას დო მოწაფეეფიშ მომზადებაშ საქმეს. იესოშ მოწაფეეფცალო ჩქი ხოლო კარდოკარ გილურთ დო ბქადაქენთ (საქმეები 20:20). თეწკუმა ართო, ბიბლიაშ გურაფას ფთავაზენთ ჭეშმარიტებაშ მოჸოროფე ხალხის. მარა იეჰოვაშ მოწმეეფი ხვალე ორგანიზაცია ვარე. ჩქი მოჸოროფე მუმაშ ართი დიდ ოჯახი ვორეთ. ჩქი ვორეთ და დო ჯიმალეფი დო ბზრუნენთ ართიანშო (2 თესალონიკელები 1:3). რახანს იეჰოვაშ ხალხი თაში ორგენიზებულო ოცადუ ასიამოვნას ღორონთის დო მეხვარას შხვეფს, თინეფი არძაშ უმოსი ბედნერი ოჯახი რენა დედამიწას. წეკითხით ფსალმუნიშ 33:12; საქმეეფიშ 20:35.