გიშაგორილი მასალაშა გინულა

დამატებითი მენიუშა გინულა

იეჰოვაშ მოწმეეფი

მარგალური

მუ რე საჭირო ოჯახიშ ბედნიერებაშო?

მუ რე საჭირო ოჯახიშ ბედნიერებაშო?
  • ჸოროფა?

  • ფარა?

  • შხვა მუთუნი?

 ბიბლიას ჭარუ:

„ბედნერი თინა რე, მით ირჩქილუაფ ღორონთიშ სიტყვას დო იცვენს თის!“ (ლუკა 11:28).

ბიბლია დეგეხმარებუნა, ოჯახის გიღუდანი:

ნამდვილი ჸოროფა (ეფესოელები 5:28, 29).

ნამდვილი პატივისცემა (ეფესოელები 5:33).

ირნერი ჯგირობუა (მარკოზი 10:6—9).

 ბჯერდანიო ბიბლიაშ?

ნამდვილო ქო. თეში არძაშ უნაკლებაშ ჟირი მიზეზი არსებენს:

  • ოჯახი ღორონთიშ გოჭყაფილი რე. ბიბლია იჩიებუ, ნამდა „ირ ოჯახი . . . ოკო უმარდუდას მუში სახელიშ გურშენი“ იეჰოვა ღორონთის (ეფესოელები 3:14, 15). შხვა სიტყვეფით ქოფთქუათი, ოჯახი თიშენი არსებენს ნამდა, თინა ღორონთიშ გოჭყაფილი რე. მუშენი უღუ თეში რჩქინას დიდი მნიშვნელობა?

    დეფიქრით: მაგალითო, გამორსით გემუანი ოჭკომალი დო დეინტერესით მუჭო რე კეთებული. მის კითხენდით თეს? მუშო ოკო რაგადი თის, მიდგაქი თინა აკეთუ.

    ათეშნერო, ქუმოინტერესუნა, მუ რე ოჯახიშ ბედნიერებაშო საჭიროდა, ქოპკითხათ თენა ოჯახიშ გუმაჭყაფალს, იეჰოვა ღორონთის (დაბადება 2:18—24).

  • ღორონთი ზრუნენს თქვანო. ბიბლია იჩიებუ, ნამდა იეჰოვა „ზრუნენს თქვანო“ (1 პეტრე 5:6, 7). ათეშგურშენ, ჯგირი რე, მუჟამს ოჯახეფი რჩევეფშო ბიბლიას მიმართენა. იეჰოვას იფრელი ჯგირი ოკო თქვანო დო თიში რჩევეფი ირო გიმგოდირთუნა ცხოვრებას (იგავები 3:5, 6; ესაია 48:17, 18).

 დეფიქრით:

მუჭო შეილებუნა რდათ ჯგირ ქომონჯი, ჯგირ ოსური დო ჯგირ მშობელი?

თე კითხვას ათე ბიბლიური მუხლეფი პასუხენს: ეფესოელები 5:1, 2 დო კოლოსელები 3:18—21.